خەلكێ شنگالێ دترسن وەكی عەفرینێ لێ بێن
قاسم لەوەندی
پشتی دەولەتا توركیا باژێرێ عەفرینێ ل رۆژئاڤایێ كوردستانێ ب تەمامی كۆنترول كرین و زیانەكا گەلەك مەزن ب خەلكێ عەفرینێ كەفتی،خەلكێ شنگالێ دترسن وەكی خەلكێ عەفرینێ لێ بێن و دیسا ئاوارە ببن،دەنگ و باس گەهشتینە خەلكی كو دێ دەولەتا توركیا بارەگایێن پەكەكێ ل شنگالێ و چیایێ شنگالێ بوردۆمان كت دترسن زیانا ڤی شەری بگەهتە خێزان و سڤیلان.
داخوازێ ژ حكوومەتا هەرێما كوردستانێ و حكوومەتا عێراقێ دكن رێیا سەرەكی یا دناڤبەرا شنگال و پارێزگەها دهۆكێ دا بێتە ڤەكرن،دا ژیانا خەلكێ شنگالێ نە كەڤتە تەنگاڤیێ دا و كاربن ب رێیا ڤێ رێ خێزانێن خۆ ژ ترس و زیانێ رزگار بكن، یان هێزەكا پێشمەرگەی بۆ شنگالێ و چیایێ شنگالێ بێت،ئەگەر هێزێن عێراقی خۆ ل خێزان و سڤیلان نەكرن خودان دێ فەرمانا (75)ێ دەست پێ كت و ب هەزاران خەلكێ شنگالێ دێ تووشی ئالۆزیان بن و جانێ خۆ ژ دەست دەن و دێ وەكی فەرمانا (74) ل ئێزدیان ئێت.
خەلكێ شنگالێ دبێژن ل فەرمانا (74)ێ ل سالا (2014)ێ ب هەزاران هاتنە گرتن ژلایێ دەولەتا ئیسلامێ ڤە و بسەدان جانێ خۆ ژ دەست دان، ئەگەر حكوومەتا هەرێما كوردستانێ و حكوومەتا عێراقێ خۆ ل مە نەكر خودان دێ ب هەزاران سڤیل و بێ گونەه جانێ خۆ ژ دەست دەن و تووشی بوردۆمانێن دەولەتا توركیا بن،دیسان خەلكێ سەردەشتی ل شنگالێ دا دیاركرن كو بارەگایێن پەكەكێ ل نێزیكی مالان هاتینە چێكرن و دبێژن ئەگەر چارەسەریەك بۆ خێزانێن سەردەشتی نەهات دیتن دێ بەر بوردۆمانێن سوپایێ توركیا كەڤن و بنە قوربانی.
تُتاح هذه الصورة أيضا في: کوردی