ژ كەلەپۆرێ باب وكالا.. یاری و بۆراندنا دەمێ ڤالا لسەردەمێن بەرێ
ئلیاس نەعمو خەتاری
یاری و بۆراندنا دەمێ ڤالا لسەردەمێن بەرێ كا جارەكێ بەرێ خۆ بدەینێ گەلۆ كا چاوا ئەڤ یاریێن هەنێ دهاتنە كرن وچاوا جیێن تایبەت بۆ هەبوون ئەرێ پیتڤیێن وان یاریان ژكوڤە دابیندكرن ، وەكی بۆمە دهاتە خویاكرن وهەر دیسان گەلەك ژمە گەهشتینە هنەك ژوان سەردەمان و مە بچاڤێن خۆ دیتن بەرێ كرنا یاریا نەبوو بەلكو هەر یاریەكا پێتڤی بانە بخۆ ژخۆ دابیندكر كارەب نەبوو هەلبەت پێشكەفتنا ئیرۆ جیهان پێ یە خەملی و كەملی هەر ژ خوارنێ و ڤەخوارنێ تا ئامیرێن ناڤ مالێ وبرێڤەبرنا كاری ئەڤە هەموو نەبوو،لەوما ل دەمێن ب ساناهیترین یاریك ئەو بوون چیرۆك ومال مالانێ ژبۆ بۆراندنا دەمی وەكی مەزانی دگەل رۆژئاڤا دێ هەموو چۆبانە مالین خۆ كچك و مەزن،لەوما پشتی شیف دخوارن دێ دەست بگۆتنا چیرۆكا كربا دگۆتنێ قسەت هەلبەت جۆرێن قسەتا هەبوون ئێت زارۆكا وەكی شەدلیل و بدلیل و قسەتێن كەسێن مەزن هەبوون ئەوژی ژدرێژیا مێژوویێ هاتبوونە وەرگرتن و گەلەك ژ كەتوارەكی ئانكو راستی بوون و یا دی چیرۆكێن ئایینی ب پێخەمبەراڤە و باب چاكان ڤە گرێدایبوون هەلبەت پربوون ژخێروخێرخوازیێ وخلمەتێ ونەسیحەتێ.
یاریا مال مالانێ یاریەكا گەلەكا خۆشبوو ب زارۆكان ڤە یە گرێدایبوو و مالەك نەبوو ئەڤ یاریە نەدكر ل دەمێ دگۆتن مالەكا من یە ژمالانە هندە كورن وهندە كچن ودەیك وبابێن وانێن مالا كییە دێ وەسا دۆر زڤریبا هەموویا،هەردیسان سترانێن رەسەن یێن كوردی ل كۆچك ودیوانان شەڤبێری وشەڤ خۆشك پێ دهاتنە بۆراندن وچیرۆكێن داپیر وباپیران ل دەمێ زارۆك پێ دنڤاندن،پێكەنیك ئانكو نكتە دهاتنە گۆتن یاریێن چۆپانێ ڤەشیرۆتكانێ خۆڤەشارتن و عیلانێ غاردان وبازدان و دەست لێدان وچۆلان لسەر ئێك بێی دچۆن وهلدوخ لسەر جۆدكێت لنگا ب روونشتی ڤە دچۆن وغزالێ دەلالێ،هەر دیسان پێنجۆكانێ ب بەعزی بەرێن هور دهاتەكرن وتەقانێ وكوتانێ بفلسا و بعانا ودەرهما دهاتەكرن نائێتە ژبیركرن دەمێن یاریا ئێكی خۆدكرە باب وئێك دەیك بوو وهنەك زارۆكبوون وئێك بەقالبوو وئیك شڤانبوو وهەتا داویێ پێكڤەكاردكرن ل داویێ دكرنە شەر ولێكدان وهەر ئێك دچۆ مالا خۆ ئەڤ یارینە وگەلەكێن دی ب زارۆكان ڤە دگرێدایبوزن، جحێلێن مەزن وزەلاما یاریا وان یاهەرە بەر بەلاڤ وپتر ژهەموویان یە بناڤ ودەنگ سوارانێ بۆ هەر ئێكی دی مەهینا خۆ بربا وجوان رێك وپێك كربانە وبەرەف جیێن غاردانێ وبەریكانێ چۆبانە،دیسان ئەڤ یاریە ل عید و توافا وشەهیانا دهاتنەكرن دسەقایەكی پر كەیف وخۆشی دا هۆلانێ دكرن ب دارابوو دوو تیم دهاتنە دروستكرن دگۆتنێ مەحل محلانێ یان گوند ب گوندانێ دگەل پالدەرێن وان دیسان زیارێن بەرێ خیسكبوو ب كابا دهاتە كرن وئامیرێ لیدانێ ژكالۆكی چێدكرن دگۆتنێ تووز هەلبەت سەركەفتن و دۆراندن تێدا هەبوو گەلەك یاری ب عید وهەلكەفتان ڤە دگرێدایبوون وەك هیكانێ وتعال ونەسیب تایبەت ب جەژنا سەرسالێ ڤە گرێدایە تا ئیرۆ رۆژ بەردەوامە دیسان هۆلستە ئانكو كابانێ ئەڤە ل گوندێ خەتارێ ب هەلكەفتا جەژنا سەرێ سالێ تا ڤێگاڤێ دئێنە كرن دناڤبەرا زەلامادا دیسان گۆڤەند دهاتە كرن دخۆشیان دا ودنیڤا دیلانادا لێ گۆڤەندكەرێن بناڤ و دەنگ هەبوون گۆڤەند دكرنە بەریكانەك دناڤبەرا ئێك و دوودا كا كی خۆشتر وبهێزتر و جوانتر گۆڤەندێ دكت.
هەر دیسان نائێتە ژبیركرن ململانێ وحەراسۆك وئێك و دوو پالڤەدان ل هەر هەلكەفتەك هەبا وەكی گوه كێشك ئانكو بگوهێن ئێك و دوو دكێشان زەلامەكی دێ عانەك یان دەرهەمەك هاڤێتبا و زارۆكان لدوو ئێك و دوو چۆبانێ ئێ گرتبا دێ هەموویا بگوهێن وی كێشابا تا دزڤریە ڤە،ژبەر نەبوونا هەموو جۆرێن یاریان كچك ومەزن نەچاردبوون بخۆ یاریا ژ سروشتیا دۆر و بەرێن خۆ دروستكن مینا كر و نوهال وحلان ودار وبەرا مینا خوشینۆتك یان خۆ حلزاندن لسەر حلانێن مەزن یان لسەر بەتەن وجیێن بلند دیسان دەڤەرێن ئاڤ ورۆبار لێ هەین جۆرێن یاریێن ناڤ ئاڤێ وەك سۆپا ومەلەڤانی وگرتنا ماسیا وهتد ، جۆرێن یاریێن دهاتنە چێكرن ژ تشتێن بەربەلاڤ وزاڤ وكەڤن وەكی بەرتفكا لاستیكە وخەفكا وباكورانا وتبین ژ بیستێن گیانەوەران و جۆرێن شیر ومرتالا وخەنجران،دیسان كەچكا بخۆ جۆرێن بووكا ژداركا وبات وبەرۆكا ودەزی وبەنكی چێدكرن زوارك ولاندك و جۆرێن خانیا ب هەموو رەنگێن جوانە ورەنگا رەنگ دنەقشاندن ودەم پێ دبۆراندن لدەمێ دچۆنە بەر بەخكا وكاركا یان پێشیا پەزی وچێلا دەمێن خۆ ب چێكرنا كمك و كەزیك ژكەسكیاتیێ وكولیلك ونێرگزێن دۆر وبەرێن خۆ دروستكرن دیسان وروما گواری مائتین ژبیركرن هرە بۆ خوارنێ بكاردئینان وێ بۆ یاریكا ، ئا هۆسا ژیان دەربازبوو ودەم دهاتە بۆراندن ب شێوەكی سرووشتی وسڤك ومفا ژێ دهاتە وەرگرتن نەك وەكی ئیرۆ رۆژ هەر تشتەك ئی حازرە دئێنە كرین و د كەنە د دەستان دا،لێ هەر مرۆڤ نەیرازیە بەلكو كەسێن بەرێ گەلەك ب حالێ خۆ درازیبوون وهەر تشتەكی پێتڤیبانە ب دەستێ خۆ و ژدۆر وبەرێن خۆ بخۆ پەیدادكرن.
تُتاح هذه الصورة أيضا في: کوردی