سلێمانی.. گرۆپەکێ تیرۆرستان هاتە گرتن
WAAR-دهۆك:
ئاساییشا سلێمانیێ گرۆپەکێ تیرۆرستان گرت کو نیازێن هێرشێن تیرۆری و خوەکوژی هەبوون.
رێڤەبەرییا ئاساییشا سلێمانیێ د راگەهاندنەکێ دا دیار کر؛ تیرۆرستێن داعشێ دەمەکێ درێژە گرۆپێن تایبەت بۆ کرنا هێرشێن تیرۆری ل هەرێما کوردستانێ مەشق ددان و پشتی ب هووری دووڤچوونا بابەتی هاتییە کرن و سەرۆکێ جڤاتا ئاساییشا هەرێما کوردستانێ رازیبوون ل سەر دووڤچوونا تیرۆرستان دایی، ل سێی مەها ئیلۆنا ئەڤ سالە دو تیرۆرست هاتنە گرتن.
د راگەهاندنێ دا هاتییە ژی؛ هەردو تیرۆرستان دان ب تاوانێن خوە کرییە و ڤیدیۆیا دانپێدانا وان دێ هێتە بەلاڤکرن.
ئاساییشا سلێمانیێ هەروەسا خۆیا کرییە؛ تیرۆرست ب رەنگەکی هاتینە مەشقدان کو هێرشێن تیرۆری بکەن، تا داوی خۆلەکا ژیانا خوە شەڕی بکەن و پاش خوە بپەقینن.
تُتاح هذه الصورة أيضا في: کوردی