ل تۆرێن جڤاكی هاریكاریان بۆ خەلكێ شنگالێ كۆم دكت
تۆرا لالش یا راگەهاندنێ
چالاكڤانەكی خەلكێ شنگالێ ب رێیا ڤەكرنا لایڤا ل تۆرێن جڤاكی،هاریكاریان بۆ هەژار و كێم ئەندام و ئەوێن كەس و كارێن وان د دەستێ داعشێ دا كۆم دكت.
چالاكڤان(پاشا مەحمود)یێ بەرنیاس ب ( شێخ پاشا) خەلكێ شنگالێ یە و ئەڤە ماوێ بتر ژ چار سالایە ل كەمپا شاریا دژیت،بۆ رۆژناما دەنگێ لالش دیاركر،ئەڤ بۆ ماوێ سێ سالایە ب رێیا ڤەكرنا لایڤا د تۆرا جڤاكی یا فەیسبۆكێ دا دراڤی بۆ هەژار و كێم ئەندام و ئەوێن كەس و كارێن وان د دەستێ داعشێ دا كۆم دكەم ئەو ژی ب رێیا خودان خێر و وان گەنجێن ئێزدیا یێن خودان شیان ل ئەورۆپا و ب تایبەت ل ئەلمانیا،هەروەسا بەردەوام ب رێیا ڤەكرنا لایڤا هەول ددەم خزمەتا وان خێزانێن كێم درامەت بكەم و رۆژانە سەرەدانا كەمپێن ئاوارێن شنگالێ ل سنوورێ پارێزگەها دهۆكێ دكەم و گۆت:((حالەتێن گەلەك كاریگەر هەنە و هەر چەندە نكارن خۆ بگەهیننە هەموو حالەتان ژبەركو ب هەزاران حالەت هەنە،ئەڤجا هندەكا ژوان ژێ دگرین و سەرەدانا وان دكن و جۆری دەستنیشان دكەین و كوژمێ دراڤی یێ پێتڤی پێ هەی دەستنیشان دكن و ژ نوو ل لایڤەكی لگەل خودانێ حالەتی ڤەدكن و پاشی ئەگەر هات هاریكاری گەهشت ئەم دگەهیننێ،دیسان هەر ژ دەستپێكا ڤی كاری و هەتا نهۆ ب رێیا وان گەنجێن ل ئەورۆپا دراڤێ وان گەهاندیە دەستێ من لسەر خێزانێن هەژار دا بەلاڤكریە)).
شێخ پاشا گۆتژی ب هەزاران حالەتێن جودا جودا كەفتینە بەردەستێ من و گەلەك جارا هێسترا لسەر خەلكێ خۆ دبارینم و گەلەك شەڤا نانڤم هەتا كو دراڤی بدەستخۆڤە نەئینم بۆ چارەكرنا وی حالەتی،ب رێیا خودان خێرا لسەر ڤی كاری دێ بەردەوام بم و خزمەتا خەلكێ خۆ كەم.
تُتاح هذه الصورة أيضا في: کوردی