638 خێزانێن كهمپا داوودیێ داخوازا نهفتا سپى دكن
باسنيوز:
ل كهمپا داوودیێ ل ناحیا بامهرنێ سهر ب قهزا ئامێدیێ ڤه 638 خێزان لێ دژین و بهفر ب سهر كهمپا وان دا هاتیه و هێشتا حكومهتا عیراقێ نهفتا سپى ل سهر وان دابهشنهكریه و كهفتینه دناڤ سڕ و سارمایێ دا.
عامر خودێدا، ئاكنجیهكێ كهمپا داوودیه بۆ (باسنیوز) دیار كر، ئهڤه ماوێ حهفتیهكێ یه بهفرهكا زۆر ب سهر كهمپا داوودیه دا هاتیه و سڕ و سارمایهكا زۆر ب سهر كهمپێ دا هاتیه، بهلێ ههتا نها حكومهتا عیراقێ ئێك لیترا نهفتا سپى ژى نهگههاندیه ناڤ كهمپێ دا، سهرهراى هندێ ژى حكومهتا عیراقێ كوبوونێن نهفتا سپى ل سهر ئاوارهیێن كهمپى دابهشكرینه و سوز دابوون د مهها بۆرى یا سالا 2018 دا نهفتا سپى ل سهر ههموو ئاوارهیێن كهمپێ دابهش بكهن، بهلێ ههتا نها نهگههشتیه بهردهستێ مه.
ناڤبرى ئاماژه ب هندێ ژى دا، خهلكێ كهمپێ نها ئاریشهیێن زۆر یێن سۆتهمهنیێ ههنه و حهفتیانه ههر خێزانهك دولكهكێ بچووك یێ نهفتا سپى بۆ خوه ب 15 هزار دیناران دكریت و گۆتیشى: ل سالێن بهر نها، حكوومهتا ههرێما كوردستانێ ل دهستپێكا زڤستانێ نهفتا سپى ددامه، بهلێ ئهڤ ساله عیراقێ نهفت نهدایه مه.
سالم سهعید، بهرپرسێ راگههاندنا بۆردێ كارۆبارێن مرۆڤایهتى، بۆ (باسنیوز) دیار كر، ههتا نوكه حكومهتا عیراقێ هیچ لیترهكا نهفتا سپى ل سهر ئاوارهیێن چو كهمپان دابهش نهكریه و د سهر هندێ ژى را بریار بوو ل دهستپێكا زڤستانێ نهفتا سپى ژلایێ حكومهتا عیراقێ ڤه ل سهر ئاوارهیێن ههموو كهمپێن پارێزگهها دهۆكێ بهێته دابهشكرن، بهلێ ئهڤ بریاره هێشتا ب چو شێوهیهكى بجه نههاتیه.
بریاربوو ل دهستپێكا وهرزێ زڤستانێ نهفتا سپى بۆ ئاوارهیان ژلایێ حكومهتا عیراقێ ڤه بۆ 90 هزار خێزانێن ئاواره و پهنابهر ئهوێن ل پارێزگهها دهۆكێ دژین بهێته دابینكرن، بهلێ ئهڤ بریاره نههاتیه بجهئینان و ئاواره و پهنابهر نها د سارمایێ دانه و حكومهتا عیراقێ نهفتا سپى بۆ چو كهمپێن ئاوارهیان دابین نهكریه و ل گهلهك كهمپان ژ بهر نهبوونا نهفتا سپى، ئاواره ژ سارما دا پهریشان بووینه.
كهمپا داوودیێ ل 1/1/2015 ل ناحیا بامهرنێ سهر ب قهزا ئامێدیێ ڤه ژلایێ حكوومهتا ههرێما كوردستانێ ڤه هاتیه دانان و 638 خێزان دناڤا ڤێ كهمپێ دا دژین كو دبنه 3325 كهس و ژ ڤى سهرجهمى ژى 1587 ژ رهگهزێ نێرن و 1738 ژ رهگهزێ مێ نه و 900 خیڤهت ل ناڤا كهمپێ دا ههنه و قهبارێ فرههیا كهمپێ ژى 140 دونهمن.
تُتاح هذه الصورة أيضا في: کوردی