حەشدا شەعبی و پەكەكه پلانا دژی ئیدارا شەرعی یا شنگال ددانن
باسنيوز:
ئەندامەكی جڤاتا قەزا شنگال بۆ (باسنیوز) دیار كر: “پەكەكێ و حەشدا شەعبی و بزاڤا چاكسازیا ئێزدیان ل شنگال جڤاتەك شوونا جڤاتا شەرعی یا شنگال دروستكرینە، ئەڤە دێ بیتە ئەگەر زێدەتر كێشە و ئالۆزی بۆ شنگال دروست بن”.
خەلیل حەسەن، ئەندامێ جڤاتا قەزا شنگال بۆ (باسیوز) دیار كر: “هەموو جادا ئێزدی بتایبەتی یا شنگال ژ چێكرنا ڤان ئیدارین نە شەرعی دلگرانن وشوونا حكومەتا عێراقێ پشتەڤانی بكەت ئیدارا شەرعی یا شنگال زڤرتە شنگال، یا كاردكەت ئیدارین نەشەرعی ل شنگال دروست بن. ب هیچ رەنگەكی بەغدا ل بەر نینە شنگال ئاڤەدان بكەت و خەلك زڤرنە سەر مالێن خوە”.
جڤاتا نەشەرعی یا شنگال یا پێكهاتیە ژ هژمارەك كەس و لایەنێن سەر حزب و گرۆپان ڤە یێن نۆكە دەستهەلات دەستێ وان دا ل قەزا شنگال: ” فەهد حامد عومەر وەكو قایمقامێ شنگال، سەعید ملحم حەمۆ ملحم سەرۆكێ جڤاتا شنگال، سەمیر دەرویش خەلەف جیگرێ ئێكی یێ سەرۆكێ جڤاتی، بەلەنگاز مراد خەلەف جیگرێ دوویێ یێ سەرۆكێ جڤاتا شنگال یا نەشەرعی، سكران ردینی سهوج نوونەرێ عەرەبێن سونە، محسن جاراللە نوونەرێ عەرەبێن سونە، تەلال عەلی حەسەن نوونەرێ توركمانان، حەمزە قاسم هادی نوونەرێ عەرەبێن شیعە ، بشار عومەر عەلی، مراد خودێدا عمر، ئلیاس حەسەن دەرویش، ئلیاس نمر ئەزدو، شێخ شەمۆ خودێدا عەڤدو، حەلیمە حەسەن شمكو، خالد قاسم حەسەن ، سالح ئێزدین خەلو، ئیبراهیم دەرویش عەبدی، جەلال ئەحمەد مەتۆ ، هادی ئلیاس مراد، بەرەكات مراد شنگالێ ، حامو حەجی ئەحمەد.”
مەحما خەلیل، قایمقامێ قەزا شنگال دیار كر: “شنگال بەشەك ژ كوردستانێ یە هەكە بەغدا دەستۆری بجه نەئینت و خۆ ل شنگال نەكەتە خۆدان پێدڤیە بریار بهێتە دان شنگال بهێتە سەر هەرێما كوردستانێ ڤە. چونكو بەغدا كێشە ل دووڤ كێشەی یا بۆ شنگال و خەلكێ شنگال دروست دكەت. هەكە شنگال وەسا بمینت دوور نینە كێشەیێن مەزنتر ل شنگال رووبدەن”.
خدر خودێدا، رێڤەبەرێ ناحیا گرعزیر ل قەزا شنگال بۆ (باسنیوز) دیار كر: “پەكەكێ و حەشدا شەعبی ئەڤ جڤاتا نە شەرعی ل شنگال چێكرینە داكو ب رێیا ڤێ جڤاتێ شەرعیەتێ بدەنە قایمقامێ خوە یێ نەشەرعی و رێڤەبەریێن نە شەرعی یێن بۆ ناحیێن سەر شنگال ڤە هاتینە دانان. ب هیچ رەنگەكی ئەم دانپێدانێ ب هەبوونا جڤاتەكا نەشەرعی ناكەن. پێدڤیە بهێتە هەلوەشاندن و رێ بهێتە دان جڤاتا شەرعی یا شنگال دگەل ئیدارا شەرعی یا شنگال ڤەگەرتە شنگال داكو ژیان ل شنگال ڤەگەریت”.
وەیس نایف، سەرۆكێ جڤاتا قەزا شنگال دیار كر: “ئەم رژدن بۆ هەلوەشاندنا ئیدارا نەشەرعی یا شنگال هاتیە دانان. ب هیچ رەنگەكی چو رێكەڤتن دگەل وان گرۆپ ولایەنێن نە قانوونی، ناهێنە كرن. پێدڤیە بەغدا رێ نەدەت لایەنێن نە قانوونی و نە دەستوری ل شنگال بمینن”.
تُتاح هذه الصورة أيضا في: کوردی