ژنا كورد هەڤركیا رۆژێن سەخت دكت
جەمیلا حازم
ژنا كورد هەموو دەما پیشەنگ بوویە وهەردەم قوربانی یا دایی و ژنەكا خۆراگر بوویە د هەموو كاودانان دا، ئەم دكارین بێژین بەرێ و نهۆ چ جارا نێزیكی ئێك نەبوویە هزرا هۆنەری بۆ ژنێ نەبوو و نەبوونا دەزگەهێن هۆنەری كو كچ خۆ پاڤێتە دڤی بواری دا ئەو ژی ئاستەنگەك بوو،وەكو ئەم دبینن نهۆ پێنگاڤێن هاتینە هاڤێتن وەك ڤەبوونا زانكۆیا و پەیمانگەهان و گەلەك ژێ یێن بووینە لایەنگرێن هۆنەری ئەڤە ژی پێنگاڤەكا باشە بۆ ژنێ،هەروەسا چەندین نامێن ماستەرێ و دكتورایێ هەنە ژنێ نڤیسینە و د گەلەك بیاڤان دا كاركریە نە بتنێ د رۆمانێ دا بەلكو ژن گەلەك رۆلێ خۆ د نڤیسینا چیرۆك و گۆتاران دا دبینت،چنكو نڤیسین تشتەكی ئاسایی یە بۆ ژنێ و بتر خۆ دهاڤێتە كارین نڤیسینێ دا ئانكو ژن دكارت وەكو هەر تاكەكی دی كاربكت ئەگەر ژن خۆ هشیاربكت و خۆ پێشبێخت ئازادی نابتە رێگر،ژبەركو مرۆڤ دكارت هەموو قەیدا بشكینت و ژنێ رۆلەكی زۆر گرنگ یێ هەی دناڤ كۆمەلگەهێ دا،دیسان دڤێت بەرەڤانیێ ژ خۆ بكت و مافی بدەتە خۆ چنكو كەس بەرامبەری وێ نارابت و بێژتێ ئەڤە مافێ تەیە،ژنێ ل كوردستانێ گەلەك قۆناغێن سەخت و نەخۆش یێن دەربازكرین بەلێ دوان قۆناغان دا دەستكەفت و ئەنجامێن باش یێ بدەستخۆڤە ئیناین سەرەرای هندێ هێش داخازێن وان ماینە داكو ل كوردستانێ ب یەكسانی بژین و پێنگاڤین وان ژی د بەردەوامن د هەموو كاران دا،لێ خالەكا ژ هەموویێ گرنگتر ئیرۆ ژن یا دگەل پێشمەرگەی ل سەنگەرێ شەرەفێ بەرەڤانیێ ژ كوردستانێ دكت،ئەڤە ژی شانازیە بۆ هەموو ژنان.
تُتاح هذه الصورة أيضا في: کوردی