بنگههێ لالش دێ جهژنا سهرسالا ئێزديان ساخ كت
تۆرا لالش يا راگههاندنێ/دهۆك
دوهى رۆژا شهمبوويێ 13ى نيسانا 2019ێ دهستهيا بلندا بنگههێ لالش يێ رهوشهنبرى و كۆمهلايهتى ل دهۆكێ كۆمبوونا خۆ يا ههيڤانه گرێدا.
دكۆمبوونێ دا بهرێز”شێخ شامۆ” سهرۆكێ بنگههێ لالش دووپاتكر” دڤێ ههيڤێ دا و ب ههلكهفتا هاتنا جهژنا سهرسالا ئێزديان پشتهڤانيا خێزانێن ئاواره ل كهمپان دا دێ ژ ئهولهوياتێن چالاكيێن بنگههى بت و دێ هاريكاريان پێشكێشى خێزانێن دهست كورت كن”،تهكهزكر”ههر دچارچۆڤهيێ هاريكاريان دا دێ پشتهڤانيا قوتابيان ئێته كرن و ئهڤه ئهركه لسهر بنگههێ لالش”.
دلايهكى دى يێ كۆمبوونێ دا گرنگترين چالاكيێن ل ههيڤا ئادارێ هاتينه ئهنجام دان و سهرهدانا بنگههى بۆ مهزارێ نهمران ل دهڤهرا بارزان هاتن بهحسكرن.
ههروهسا سهرۆكێ بنگههێ لالش بهحس ل گرنگترين ديدارێن لڤێ داويێ لگهل شاندهكى تايبهت يێ پهيمانگهها روسيا بۆ رۆژههلاتا ناڤين كر،ههروهسا پيرۆزباهى ل ڤهكۆلهر داود موراد خهتارى كر ب ههلكهفتا دهركهفتنا ئنسكلۆپيديا جينۆسايدا ئێزديان.
ههر دكۆمبوونێ دا بهرێز”شێخ شامۆ” دياركر”بنگههێ لالش لسهر پشتهڤانيا تهخا گهنجان بهردهوامه و ژوان پشتهڤانيكرن بۆ بهرههمئينانا كليپهكا تايبهت لسهر پيرۆزيا جهژنا سهرسالا ئێزديان بۆ كمۆهكا هۆنهرمهند و هۆزانڤانێن ئێزديان”.
سهرۆكێ بنگههێ لالش گۆت:”رۆژا12/5دامهزراندنا بنگههێ لالش يه و بنگههـ دێ رابت ب ساخكرنا ڤێ بوويهرا ديرۆكى ل ئاستێ دهستهيا بلند و تهڤاهيا تايان”.
ل داويێ گهنگهشه لسهر گرنگترين بزاڤ و چالاكيێن دهستهيا بلند و تايى و نڤيسينگههان هاته كرن.
تُتاح هذه الصورة أيضا في: کوردی