کەلوپەلێن چاندنێ لسهر 200 جۆتیارێن کۆمەلگەها شاریا هاتنه بهلاڤكرن
تۆرا لالش يا راگههاندنێ
ژبۆ بتر پێشخستنا کەرتێ چاندنێ و پشتەڤانیکرنا جۆتیاران،خۆلەکا راهێنانێ بۆ 200 جۆتیارێن کۆمەلگەها شاریا هاته ڤهكرن و مفاداری وەرگرتنا کەلوپەلێن چاندنێ بوون.
ل چەند رۆژێن بۆری ل هۆلا لالش ئێك،بنگەهێ لالش تایێ شاریا ب هەڤکاری و پالپشتیا رێکخراوا (JDA) خۆلەکا راهێنانێ بۆ 200 جۆتیارێن کۆمەلگەها شاریا لسەر نووترین شێوازێن چاندنێ و پێشکێشکرنا راسپاردێن باش بۆ ب دەستڤەئینانا بەرهەم و داهاتەکی باش یێ چاندنێ ڤهكر كو لایەنێ بیردۆزی و پراکتیکی بخۆڤە دگرت،لایەنێ بیردۆزی ل هۆلا لالش هاتە ئەنجام دان و لایەنێ پراکتیکی لسەر ئەردێ چاندنێ هاتە کرن کو چەند بەرهەمێن نوو هاتنە چاندن وەک تێست و دێ دبەردەوامبن تا ئەو بەرهەم ئێتە چنین.
هەروەسا لایەنێ دووێ یێ پشتەڤانیکرنا جۆتیارێن دەڤەرێ، بهلاڤكرنا کەلوپەلێن چاندنێ بخۆڤە دگرت و هەموو پشکدارێن خۆلێ مفاداری وان کەلوپەلان بوون، کو پێکهاتبوون (ژ ئامێرێ رەشاندنا دەرمانی، جۆرەکی نوو یێ گەنمی، جۆرەکی نوو یێ کیمیایێ، دوو جۆرێن دەرمانا).
ئەڤ پرۆژنه پشكهكن ژ کۆمەکا پرۆژێن هەمەجۆر کو ژ ئالیێ هەردوو لایەنێن ناڤبری دئێنە ئەنجام دان ژبۆ پشتەڤانیکرنا خەلکێ کۆمەلگەها شاریا و ئاوارێن شنگالێ ل دەڤەرێ و دێ دبەردەوامبن بۆ ماوێ سالەکێ.
تُتاح هذه الصورة أيضا في: کوردی