جڤاتا شنگال:بەردەوامیا خۆپیشاندانێن عێراقێ دێ كاریگەری لسەر ئاڤەدانیا شنگال هەبت
تۆرا لالش یا راگەهاندنێ
سەرۆكێ جڤاتا قەزا شنگال راگەهاند كو رەوشا نهۆ یا عێراق تێرا دەرباز دبت رەوشەكا ب زەحمەتە و بەردەوامیا خۆپیشاندانا ل عێراقێ دێ بتە ئەگەرێ نە ئارامی و ئاڤەدانی و ڤەگەریانا ئاوارێن شنگال،رەنگە دەڤەرێن مە ژی باجێ بدەن ژبەر ڤان خۆپیشاندانان.
سەرۆكێ جڤاتا قەزا شنگال(وەیس نایف) بۆ رۆژناما دەنگێ لالش دیاركر،دەڤەرێن مە پێتڤی ب ئارامی و ئاڤەدانیێ یە و حكومەتا عێراقێ خۆ لسەر ڤێ چەندێ بێ دەنگ كریە و ئەڤ یەك ژی نەل بەرژەوەندیا خەلكێ شنگال دایە و ژهەموو ئالیان ڤە حكومەتا عێراقێ شنگال پشتگوهــ خستیە و ئالۆزیێن نهۆ ل شنگال و هەبوونا هێزێن نە شەرعی و گرۆپێن چەكدار ل دەڤەرێ ئیرۆ رۆژ جیێ مەترسیێ نە ل دەڤەرێ،بال كشاندە سەر وێ چەندێ ژی كو رەوشا نهۆ یا عێراق تێرا دەرباز دبت رەوشەكا ب زەحمەتە و رەنگە ژبەر بەردەوامیا خۆپیشاندێن عێراقێ دەڤەرێن مە ژی باجێ بدەن.
ناڤهاتی ئەو ژی دیاركر،ئەم داخوازێ ژ حكومەتا عێراقێ دكەین شنگال نەبتە قوربانیا ئالۆزیێن بەغدا و شنگال نەئێتە پشتگوه هاڤێتن و هیڤیدارن لگەل حكومەتا هەرێما كوردستانێ چارەیەكێ بۆ رەوشا شنگال ببینن.
تُتاح هذه الصورة أيضا في: کوردی