میرێ ئێزدیان:داخوازێ ژ ئێزدیان دکەم دەنگ ب ”بەلێ” بدەن بۆ ریفراندۆما سەرخۆبوونێ
شێخان-KDP.info-
(میر تەحسین بەگ)، میرێ ئێزدییان ل کوردستان و جیهانێ راگەهاند، کو ئەو بەرهەڤە بەریا هەموو کەسان دەنگ ب ”بەلێ” بۆ ریفراندۆمێ بدەت ژ بۆ سەربەخۆبوونا کوردستانێ.
ئەڤرۆ،(٢٢-٩-٢٠١٧)ـێ، (میر تەحسین بەگ)، د پرێس کۆنفرانسەکی دا ئەو چەندە ژی دیارکر، کو دێ ل ٢٥ی ڤێ مەهێ و ب سەر بلندی ڤە بێژن بەلێ بۆ کوردستانەکا ئازاد و سەربەخۆ.، کو داخوازێ ژ ئێزدییان دکەم هەموو پێکڤە بێ جیاوازی دەنگ بۆ سەربەخۆبوونا کوردستانێ دەنگ بدەن ب ”بەلێ”.
میرێ ئێزدییان ل کوردستان و جیهانێ داخوازەکێ ئاراستەی ئێزدییان دکەت، کو پشتەڤانێ ڤێ پرۆسەیا چارەنڤیساز بن و پاڵپشتیێ لێ بکەن، و بەرەڤ سندۆقێن دەنگدانێ بچن و دەنگ ب بەلێ بدەن، و ئەز بەرهەڤم بەری هەموو کەسان دەنگ ب بەلێ بدەم بۆ ریفراندۆما سەرخۆبوونێ.
بەریا نها ژی شێوەردارێ جڤاتا بلندا رۆحانیا ئێزدیان ب رێکا ماڵپەرێ فەرمیی یێ پارتی دیموکراتی کوردستان هەلویستێ خۆ ژ بۆ ریفراندۆما هەرێما کوردستانێ دیارکربوو کو ئێدی ئێزدی نەشین جارەکا دی ل گەل عیراقەکا شکەست خواری بژین و بەردەوام کارەسات ب سەرێ کوردێن ئێزدیاندا بهێن، و جارەکا دی ناهێلن ناوچەیێن وان هەلاویستی بمینن بەلکوو پێدڤیە ناوچەیێن وان ڤەگەرنە هەمبێزا هەرێما کوردستانێ.
و هەر د ڤی بیاڤی ژی دا بنگەهێ لالش یێ رەوشەنبیری و کۆمەڵایەتی ل دهۆکێ، کو مەزنترین بگەهێ رەوشەنبیری یێ ئێزدیانە پشتەڤانیا خۆ بۆ ریفراندۆمێ دیارکربوو.
تُتاح هذه الصورة أيضا في: کوردی