ب كوژمێ 275ملیۆن دیناران پرۆژە ل خانكێ هاتینە ئەنجام دان
تۆرا لالش یا راگەهاندنێ
ل سالا بۆری ب كوژمێ بتر ژ(275)ملیۆن دیناران،ژمارەكا پرۆژان ل كۆمەلگەها خانكێ هاتینە ئەنجام دان.
سەرۆكێ باژێرڤانیا خانكێ ئەندازیار(حەموود غەربی)بۆ رۆژناما دەنگێ لالش دیاركر،لسەر پێشینەیا هەیڤانە و داهاتێ باژێرڤانیێ كوژمێ (500،352،112)ملیۆن دیناران ل كارێ شارستانی هاتینە مەزاختن وەك قیركرنا جادێن ناڤخۆیی و سەبكرنا جاددە وتێكەلكرنا چەند جاددان وهتد،زێدەباری بتر ژ(250)دارنەمام بێن هاتینە چاندن و برین و كەزاخستنا (500)داران و (3311)تەنێن پاشماوەیێن گلێشی هاتینە راكرن، ب گشتی ل سالا(2019)ێ ب كوژمێ بتر ژ(275)ملیۆن دیناران،ژمارەكا پرۆژان ل سنوورێ باژێرڤانیا خانكێ هاتینە ئەنجام دان.
غەربی ئاماژەكر،چەندین پرۆژێن ل كۆمەلگەهێ هاتینە ئەنجام دان وەك قیركرنا جادا هۆلا زەینیات یا هەلكەفتان ژلایێ رێڤەبەریا رێك وپران ڤە ل دهۆكێ و قیركرنا رێیا مەزارگەهێ شێخ بازید و تێكەلكرنا جادا دچتە رووبارێ دجلە وجادا بنگەهێ پۆلیسان و بۆیاغكرنا كربستۆنا ژلایێ خێرخوازان ڤە.
تُتاح هذه الصورة أيضا في: کوردی