زڤراندنا زارۆكێن داعش پێنگاڤەكا ب مەترسی یە
سەباح سمیر
پشتی نێزیكی هەفت سالان ژ وێ فەرمان و جینۆسایدا تیرۆرستێن داعش ب سەرێ جڤاكا ئێزدیان ئینایی ل(3ی تەباخا 2014)ێ ل شنگال ل دژی ئێزدیان،ب هەزاران خەلك هاتنە ئێخسیركرن و شەهیدكرن،ئەڤە دەمەكە چەند رێكخراو ل ژێر ناڤێن جودا جودا ل ناڤا كەمپان دا كاردكن ل ژێر ناڤێ مرۆڤایەتیێ دگەل رێزێن من بۆ وان رێكخراوان یێن ب شەڤ رۆژ كاردكن ژ پێخەمەت هاریكاریا خەلكێ ئاوارە بكن،لێ مخابن ئیرۆ روویێ وان یێ رەش یێن هندەك رێكخراوان و كەسایەتیان دیار بوو كو كاردكن ژ پێخەمەت هندەك دەستكەفتان لسەر كیستێ رزگاربوویێن داعش و جڤاكا ئێزدیان ب دەست خۆڤە بینن،ئێزدی ب روون و ئاشكەرا نە دگەل زڤراندنا وان زارۆكانە یێن ژ چەكدارێن تیرۆرستێن داعش،ئەڤ بابەتە بوویە بابەتێ هەری گەرمێ میدیایێن جیهانێ لێ مخابن ژبلی ئازراندنا بابەتی هەتا نهۆ نێزیكی سێ هەزار كەسێن ئێزدی چارەنڤیسێ وان دیار نینە باشتربوو ئەوێن ئەڤ كارە كری ئەگەر چارەنڤیسێ وان گرتیا گەریابانە باشتربوو ژڤی كارێ وان كری بوویە جیێ دلگرانیا جڤاكا ئێزدیان و ب تایبەتی كەسوكارێن قووربانیێن دەستێ داعش و خێزانێن وان،وەكو یە دیار چەند لایەنەك ل رۆژئاڤایێ كوردستانێ هاریكار و پشتەڤان بوون دگەل هندەك كەس و رێكخراوێن بیانی ئەڤ كار ژ پێخەمەت بدەستڤەئینانا چەند دەستكەفت و دیاریێن نێڤ دەولەتی لسەر ڤێ پرسێ خۆ بینن پێش ل مەحافلێن نێڤ دەولەتی لسەر كیستێ جڤاكا ئێزدیان،ئەگەر مافێ مرۆڤ ل جەم وان رێكخراوان گرنگە دڤیا ئەوان كار لسەر دادگەهكرنا وان تیرۆرستان كربا یێن دەستدرێژی كرنە سەر كچ و ژنێن ئێزدیان و دادگەهەكا ب دادپەروەرانە هاتبا كرن ژبۆ سارێژكرنا برینا كەسوكارێن قووربانیا و رزگاربوویێن دەستێ داعش،دئێتە خواستن ژ جڤاكا ئێزدیان كار لسەر راوەستاندنا ڤی كاری بێتە كرن،چنكو ڤەكرنا ڤی دەرگەهێ گرتی دێ گەلەك دەرگەهێن دی یێن گرتی لبەر ئێزدیان ڤەكت و نەخاسمە ل مەترسیا مە ژ پاشەرۆژێ یە ب تایبەتی دەمێ ئەڤ زارۆك مەزن دبن دێ زۆر ئاریشێن وان هەبن،نابت ئەو رێكخراو و لایەن تنێ كار لسەر زڤراندنا وان بكن بێی چارەسەریێن پاشەرۆژێ پشتگوهـ پاڤێن،چنكو ئەڤ چەندە ب مەترسی لسەر جڤاكا ئێزدیان دروست دبت و دهەمان دەمدا جڤاكا مە نە دژی وان زارۆكایە كو زۆلمەك ل وان و دەیكێن وان هاتیە كرن ،ژلایێ ئۆلی ڤە ژی ئەڤ كەس نائێن قەبوولكرن دناڤا ئێزدیان دا،ژبەركو بابێ وان نە ژ ئۆلا ئێزدیانە و لایەنێ یاسایی یێ دەولەتا عێراقێ رێ بڤێ چەندێ نادەت و زارۆكێن بابێ وان نە دیار دیاسایا عێراقێ دا ل گۆرەی یاسایێ دئێنە تۆماركرن وەك موسلمان.
تُتاح هذه الصورة أيضا في: کوردی