شێخ شامۆ:وهكو جڤاکا ئێزدی پێتڤیە رەوشا ترسناكا بهلاڤبوونا ڤایرۆسێ كۆرۆنایێ ل بەرچاڤ وەربگرين
تۆرا لالش:
رێزدار شێخ شامۆ،شێوهرمهندێ سەرۆکێ حکوومەتا هەرێما کوردستانێ بۆ کاروبارێن ئێزدیا دیاركر،داخوازێ ژ خەلکێ خۆ یێ خۆشتڤی دکەین پێگیریێ ب بریار و رێنمایێن وهزارهتا ساخلهمیا ههرێما كوردستانێ بكن، ژبۆ رووبرووبوونا ڤایرۆسێ کۆرۆنایێ.
شێخ شامۆ،شێوهرمهندێ سەرۆکێ حکوومەتا هەرێما کوردستانێ بۆ کاروبارێن ئێزدیا بۆ(تۆرا لالش)راگههاند:”وهكو جڤاکا ئێزدی پێتڤیە رەوشا ترسناكا بهلاڤبوونا ڤایرۆسێ كۆرۆنایێ ل بەرچاڤ وەربگرین و کۆمبوونێن جهماوهری ب ههلكهفتێن ئاینی و جڤاکی ڤه وهكوجهژن وتواف وداوەت وتازیان رابگرین،ژپێخەمەت پاراستنا گیانێ خهلك و کەسوکارێن خۆ ژ ڤایرۆسێ کۆرۆنایێ”.
شێخی ئاماژه ب وێ چهندێ دا ئیرۆ ژمه دئێته خواستن ئەم هەموو ههڤكار و هاریكارێن حكوومهتا ههرێمێ و سازیێن پهیوهندیدار بن و پشکداربن د هشیاریا خهلكێ خۆدا،داكو ڤێ قۆناغا دژوارا بهلاڤبوونا ڤایرۆسێ کۆرۆنایێ دهرباز بكن ب كێمترین زهرهر و خهلكێ مه یێ پاراستی به.
تُتاح هذه الصورة أيضا في: کوردی