ڤەكۆلەرەكێ ئێزدی:دڤێت پلانەكا گشتگیر بۆ پاشەرۆژا ئێزدیان بێتە دانان
تۆرا لالش:
ڤەكۆلەرەكێ ئێزدی ئاشكەراكر كو ئێزدی د رابۆری دا تووشی ب دەهان كۆمەلكوژیان بووینە و داوی فرمان ل ل شنگالێ ل سالا (2014)ێ ژلایێ تیرۆرستێن داعشێ هاتە ئەنجامدان،سال بۆ سالێ رەوشا ئێزدیان نەخۆش دبت و نهۆ زۆربەیا وان ئاوارەنە دوور ژ دەڤەر و مال و حالێن خۆ ل شنگال و كۆچبەری دەرڤەی وەلاتی بووینە و هەژمارا ئێزدیان یا كێم دبت،ب دیتنا من چارەسەریا رەوشا نهۆ ئێزدی تێدا دەربازدبن ئەوە دڤێتن ئەكادیمزان و رەوشەنبیر و ڤەكۆلەر و مرۆڤێن تێگەهشتی دگەل ریهسپی و ماقول و كەسایەتێن ئێزدی پلانەكا گشتگیر یا رۆن ژبۆ پاشەرۆژێ بدانن.
ڤەكۆلەرێ ئێزدی (ماجد حەسەن عەلی) بەكالۆریۆس ل بەشێ ئادابێ بەشێ مێژوو ڤەكۆلین (دیرۆكا گشتی) ل زانكۆیا دهۆكێ ل سالا (2003/2004)ێ و باوەرناما ماستەرێ بناڤ ونیشانێ (بزاڤا كوردی و عێراقێ) ل زانكۆیا سەلاحەدین ل سالا(2008)ێ وەرگرتیە،هەروەسا باوەرناما دكتۆرایێ ب ناڤ ونیشانێ (رۆژهەلاتناسیێ و رەوشا كێم ئاینێن عێراقێ) ل وەلاتێ ئەلمانیا ل زانكۆیا بامبێرگ ل سالا (2018)ێ بدەستخوڤە ئینایە،ئەندامێ پشكا ئێزدیناسیێ ل زانكۆیا ئیلیا و ئەندامێ پشكا لاهوتی یا بسەر جڤاتا رۆحانیا گۆرجستانێ ڤەیە.
ڤەكۆلەرێ ئێزدی(ماجد حەسەن عەلی) بەحس ل سەربۆرا خۆ یا زانستی و رەوشا ئێزدیان كر و د دیدارەكێ دا بۆ رۆژناما دەنگێ لالش راگەهاند،بۆ ماوێ سالەكێ خووندنا خۆ یا سەرەتایی ل گوندێ سینا خووند و ل سالا (1986)ێ گوندێن مە هاتنە خرابكرن ژلایێ حكوومەتا گۆر ب گۆر یا عێراقێ ڤە و مالباتا مە ل سەنتەرێ پارێزگەها دهۆك ئاكنجی بوون و بەردەوامی دا خووندنێ و سالا (1988)ێ ڤەگەریاین شاریا پشتی بوویە كۆمەلگەه و پشتی شەرێ (عێراق و كوێت)ێ دەستپێكری ل سالا (1991)ێ مالباتا مە ئاوارەی توركیا بوون و هەر ل هەمان سال ڤەگەریاین شاریا و شەشێ سەرەتایی تا قۆناغا ناڤنجی ب سەركەفتیانە ب داوی ئینا،ژبەركو وی دەمی ئامادەیی ل شاریا نەهاتبوو ڤەكرن ب نەچاری كۆمەكا قوتابیان ل قوتابخانێن سەنتەرێ دهۆك مە بەردەوامی دا خووندنێ و سالا (1998/1999)ب داوی ئینا و سالا دوڤدا ل زانكۆیا دهۆك هاتمە وەرگرتن ل كولیژا ئادابێ بەشێ ئادابێ و ب سەركەفتیانە هەموو قۆناغ دەربازكرن.
لدۆر پاشەرۆژا ئێزدیان ڤەكۆلەری گۆت: ئێزدی د رابۆری دا تووشی ب دەهان كۆمەلكوژیان بووینە و داوی فرمان ل ل شنگالێ ل سالا (2014)ێ ژلایێ تیرۆرستێن داعشێ هاتە ئەنجامدان،سال بۆ سالێ رەوشا ئێزدیان نەخۆش دبت و نهۆ زۆربەیا وان ئاوارەنە دوور ژ دەڤەر و مال و حالێن خۆ ل شنگال و كۆچبەری دەرڤەی وەلاتی بووینە و هەژمارا ئێزدیان یا كێم دبت،ب دیتنا من چارەسەریا رەوشا نهۆ ئێزدی تێدا دەربازدبن ئەوە دڤێتن ئەكادیمزان و رەوشەنبیر و ڤەكۆلەر و مرۆڤێن تێگەهشتی دگەل ریهسپی و ماقول و كەسایەتێن ئێزدی پلانەكا گشتگیر یا رۆن ژبۆ پاشەرۆژێ بدانن و د هەموو بواران دا گرنگیێ بدەنە ب دامەزرایكرنا هەموو سیستەمێ ئۆلی و جڤاكی.
ناڤهاتی ئاماژە ب وێ چەندێ دا لگۆر رێنمایێن زانكۆیا دهۆك ل وی دەمی هەر دەرچۆیەكی نمرەیێن بلند بدەستخۆڤە بینت ئێكسەر بێتە دامەزراندن و خووندنا ماستەرێ بخوونت،هاتمە دامەزراندن لێ دەرفەت دروست نەبوو ل هەمان زانكۆیێ بخوونم و پشتی هەولدانێن زۆر و هەڤركیەكا زانستی یە دژوار ل زانكۆیا سەلاحەدین ل سالا (2005/2006)ێ هاتمە وەرگرتن وەك خووندكارێ خووندنا بلند بۆ ماستەرێ و ب زۆرباشە بلند من بدەستخۆڤەئینا ب ناڤ ونیشانێ (دیرۆكا كوردان و عێراقێ)،ل سالا (2008)ێ دهەمان سال دا ڤەگەریام دهۆكێ و ل زانكۆیا دهۆك وانێن مێژوویی گۆتن تا سالا(2012)ێ دەرفەت دروست بوو ل دەرڤەی وەلاتی دەست ب خووندنا دكتۆرایێ بكەم و ل وەلاتێ ئەلمانیا ل باژێرێ بامیبێرگ ب ناڤ ونیشانێ رەوشا كێم ئاینێن عێراقێ ل سالا (2018)ێ بدەستڤەئینا و ڤەگەریام هەرێما كوردستانێ و وەك ڤەكۆلەرێ سەربەخۆ دەست ب ڤەكۆلین و گۆتارێن زانستی كر لدۆر ناسناما ئێزدیان و رۆلێ ئافرەتا ئێزدی و جێنوسایدا ئێزدیان.
تُتاح هذه الصورة أيضا في: کوردی