كارتێكرنا تۆرێن جڤاكی لسەر هەڤژینان
عزەت برۆ
لدووڤ چەندین ڤەكۆلینێن جۆراوجۆر تۆرێن جڤاكی و تەكنەلۆژیا هاریكارنەبوونە بۆ كێمكرنا هەڤركیێن دناڤبەرا ژن و مێران دا و كێشەیێن خێزانی، بەلكو بەروڤاژی رێژا ژێك جودابوونێ زێدە كرنە و رۆژ بۆ رۆژێ ئاریشێن خێزانی زێدەكرنە ب جۆرەكی هەتاكو دگەهتە حالەتێ ژێكڤەبوونێ لدووڤ ڤەكۆلینان نێزیكی پازدە ژ سەدێ هەڤژینا دایە دیاركرن كو تۆرێن جڤاكی ئاریشێن خێزانی دروست دكن،هەروەسا نێزیكی (16%) ژ هەڤژینان ئاماژە ب وێ چەندێ كریە كو تۆرێن جڤاكی ئەگەرەكە بۆ دروستكرنا بێ باوەریێ و دلپیسیێ دناڤبەرا ژن ومێران دا و هندەك ژی وەسا دیاردكن كو تۆرێن جڤاكی دبنە ئەگەرێ شەرەدەڤێ دناڤ خێزانێ دا.
ل پێ ڤەكۆلینەكا دی دیار دكت كو ئەو خێزانێن تۆرێن جڤاكی بكارنەئینن رێژەیا دلخۆشی و یەكگرتنا وان بترە ژ وان خێزانێن تۆرێن جڤاكی بكاردئینن،هەروەسا بۆ ماوەیەكی چاڤدێریا هندەك هەڤژینان هاتیە كرن كو تەمەنێ وان دناڤبەرا(18 تا 39)سالیێ دا بوو كو بكارئینانا تۆرێن جڤاكی ب رێژەیەكا زۆر نە بتنێ هۆكار بوویە كو هەڤژین هەست ب نەئارامیێ و نەبەختەوەریێ بكن،بەلكو ئەگەرەكێ سەرەكی بوویە بۆ ئاریشێن خێزانی و ژێكجودابوونێ.
ئەوێن ب نهێنی دچنە دناڤ تۆرێن جڤاكی دا بێ كو هەڤژینێن وان ئاگەه ژێ هەبت یان ژی بناڤەكی سەختە دگەل هەڤژینێن خۆ د ئاخڤن،داكو هندك پێزانینا دەربارەی خۆ ژێ وەربگرت ئەڤ چەندە ژی دبتە ئەگەرێ پەیدابوونا ئاریشێن خێزانی ، د وەلاتێ مە ژی دا ل ڤان سالێن داویێ دا تۆرێن جڤاكی ب شێوەیەكی بەرەلا دئێنە بكارئینان ئەڤە ژی دبتە ئەگەرێ تێكچۆن و پارچەبوونا خێزانێ،ژبەر ڤێ چەندێ پێتـڤیە لایەنێ پەیوەندیدار گرنگیەكا تایبەت ب ڤان جۆرە بابەتان بدەن و خەلكێ هشیار بكن ژبۆ پاراستنا خێزانەكا بەختەوەر.
تُتاح هذه الصورة أيضا في: کوردی