بنگهههكێ ڤاكسینا كۆرۆنایێ ل كهمپا شاریا دێ ئێته ڤهكرن
باسنيوز:
ژ پێخهمهت پتر خزمهتكرنا ئاواره و پهنابهران، د ههمان دهم دا ب مهرهما زێده پێشكێشكرنا ڤاكسینێ كۆرونایێ، ب بریارا رێڤهبهریا ساخلهمیا پارێزگهها دهۆكێ ، بنگهههكا وهرگرتنا ڤاكسینێ كۆرونایێ ل كهمپا شاریا هاته ڤهكرن.
حهمزه رهزیكى، پهیڤدارێ رێڤهبهریا گشتى یا ساخلهمیا پارێزگهها دهۆكێ بۆ (باسنیوز) گۆت:” پشتى كۆ ل رۆژێن بۆرى دا، ژ ئهگهرێ رۆیدانهكا ئاگربهربوونێ، هژمارهكا زۆر ژ خیڤهتێن ئاوارهیان ل كهمپا شاریا سۆتین، رێڤهبهریا گشتى یا ساخلهمیا پارێزگهها دهۆكێ ژى ژ ههر روویهكێ ڤه یا شیان دا بیت كاركریه بۆ خزمهتكرنا وان ئاوارهیان، ههم بوارێ دابینكرنا رێژهیا پتر یا دهرمانان بۆ بنگههێ شاریاو ههم خزمهتهكا دیتر، و بریارهكا دیتر ساخلهمیا دهۆكێ دهركریه كۆ بنگهههكا وهرگرتنا ڤاكسینێ كۆرونایێ ل كهمپا شاریا بهێته ڤهكرن، تا كۆ ب ساناهیتر ئهو خهلكه بشێت ڤاكسینێ وهربگریت”.
پهیڤدارێ ساخلهمیا دهۆكێ گۆت ژى:” تا نۆكه 23 بنگههێن وهرگرتنا ڤاكسینێ كۆرونایێ مه ل پارێزگهها دهۆكێ ههنه و ئهڤ بنگههێ شاریا ژى وهكه بنگههێن دیتر دێ خهلك بهراهیێ خۆ تۆماركهت و دیڤ دا دێ ب ژڤانى شێت ڤاكسینێ كۆرونایێ وهرگریت”.
تُتاح هذه الصورة أيضا في: کوردی