پەروەردەیا شنگالێ دخوازیت ئەزموونێن قوتابیان ل دھۆکێ بھێنەکرن
گاڤ نیوز – 
رێڤەبەرێ پەروەردەیا شنگالێ، پشکا کوردی داخواز ژ حکومەتا ھەرێما کوردستانێ کر، رێ بدەن نێزیکی ھزار قوتابیێن شنگالێ ئەزموونێن خۆ ل پاریزگەھا دھۆکێ بکەن.
میەسەر حەجی، رێڤەبەرێ پەروەردەیا شنگالێ پشکا کوردی بۆ گاڤ نیوز گۆت: نوکە نێزیکی ھزار قوتابیێن شنگالێ ل پۆلین ٩ و ١٢ێ ل شنگالێ هەنە و ژبەر رەوشا خرابا ئێمناھیێ ئەو نکارن ئەزموونێن خۆ ل شنگالێ بکەن .
حەجى داخواز ژی ژ حکومەتا ھەرێما کوردستانێ کر ھاریکاریا وان بکەن و رێکێ بدەن، ئەو قوتابی ل پارێزگەھا دھۆکێ ئەزموونێن خۆ بکەن.
رێڤەبەرێ پەروەردەیا شنگالێ گۆت ژی: دەمەکێ کێم ل بەر دەست مایە و ٢٢ی ڤێ ھەیڤێ ئەزموون دێ ھێنە کرن، لەو خواست ب زویترین دەم حکومەت چارەیەکێ ل وان قوتابیان بکەت.
تُتاح هذه الصورة أيضا في: کوردی