كۆچكرنا گەنجێن ئێزدی بۆ دەرڤەی وەلاتی
سەردار گۆلۆ
ژبەر گەلەك ئەگەران گەنجێن ئێزدی كۆچبەر و دەربەدەری وەلاتێن جیهانێ دبن،داكو ژڤێ ژیانا سەخت و دژوار یا ل وەلاتێ خۆ دبۆرینن رزگار ببن،پشتی فرمانا سالا(2014)ێ یا ب سەرێ ئێزدیان هاتی ل دەڤەرداریا شنگالێ و گەلەك ئێزدی كۆچبەری دەرڤەی وەلاتی بوون و یێن مای ئاوارەی هەرێما كوردستانێ بوون.
جیێ داخێ یە و مخابن ئەڤە ماوێ هەفت سالایە ئاوارێن ئێزدی ژیانا خۆ ل بن خیڤەتێن ئاوارەبوونێ دا دبۆرینن ل گەرما هاڤینێ و سەرمایا زڤستانێ دا،سەرەرای ڤان نەخۆشیان رێژەیەكا زۆر ژ گەنجان د بێكارن و هندەك ژی خودان باوەرنامێن باشن و كەسێن زانستی نە لێ پووتە پێ نائێتە دان ناچار دبن كۆچبەر ببن داكو ژیانەكا باشتر ب خۆ پەیدا بكن،كۆچبەری ئانكو دەركەفتن یان لڤینا كەسەكی یان چەند كەسەكان ژ جیێ لێ ژدایكبوویی یان ژ نیشتمانێ خۆ بۆ وەلاتەكێ دن بێتە بنەجهكرن، ژبۆ گەڵا ستانداردا هەرا باشە ژیانێ ئەڤجا چ ب شێوەیەكی وەختی بت یان ب داوی،ئەگەرێن كۆچكرنا گەنجێن ئێزدی ڤەدگەرت ژبۆ بارودۆخێن سەخت و دژوار و نەخواستی و فرمان و جینۆساید و گرنگی پێنەدان و د هەڤركی و ململانێن سەخت و دژواردا كۆچبەری دروست دبت هێدی هێدی حالەت دبتە دیاردە و ئێكە ژ دیاردێن مەترسیدار و ب تایبەتی كۆچبەری یا ژ دەرڤەی وەلاتی،كۆچبەری دبتە سەدەمێ پەككەفتنا جڤاكی و كۆمەلگەهێ و دبتە خالەكا نەرێنی و كارتێكرنەكا پوزەتیف لسەر گهۆرینا هاوكێشێن پاراستن و مەزنكرن و پێشكەفتنا جڤاكی دكت،هەروەسا دبتە ئاستەنگ و هەڤركەك مەزن و سەخت دوێ ململانێ یا ژبۆ پاراستن و مەزنكرن و پێشكەفتنا جڤاكی.
ب سەدەمێ دەركەفتنا گەنجێن ئێزدی، جڤاك دكەفتە دبن هندەك پێلێن دژوار و بهێز یێن ب زەحمەت و خەمگینیێ دا، ژبەركو بێ بەهر دبت ژ شیان و هێزا گەنجان دگەل زێدەبوونا ڤێ دیاردێ جڤاكا ئێزدی پتر خەمگین دبە، ژبەركو یەك ژ ستوونێت بنگەهێن ئاڤاكرن و پێشكەفتنێ یە،ژبەركو ئەو گەنجە دكارت ئەو جینۆسایدا ل سالا(2014)ێ ژلایێ دەولەتا ئیسلامی یا بناڤێ (داعش) ب سەرێ ئێزدیان دا هاتی ل شنگالێ بگەهینتە دنیایێ و داخوازا مافێ مللەتێ ئێزدی بكت ل هەر جیەكی ببتە وێستگەها ئاڤاكرن و پێشكەفتنا جڤاكێ ئێزدی ب هێز و ب باندۆر.
دیارە ژبەر سەختیا ژیانێ و نەئارامیێ ل دەڤەرێن ئێزدی ب تایبەتی ل شنگالێ و نەبوونا هیچ خزمەتگۆزاریەكێ ل دەڤەرێ و نەبوونا ژێدەرەكێ دارایی و نەبوونا پلان یان ستراتیژیەكێ بۆ كاراكرنا سێكتەرێن ژیانێَ ئەڤێن دبنە سەدەمێن گەشەسەندن و پێشكەفتنا ئابوورێ دەولەتێ ژبۆ دەستخستنا ژێدەرەكێ دارایی یێ ب هێز بەرنگاری بوون و رزگاركرنا وەلاتی ژ كرێزا ئابووری و ژوان پێلێن دژوار یێن برسێ و هەژاریێ،پێلێن ڤێ دیاردێ كارتێكرن ل وەلاتێن هەژار كریە.
تُتاح هذه الصورة أيضا في: کوردی