چاوان دێ بیە خودان كەسایەتیەكا سەرەنج راكێش
عزەت برۆ
مرۆڤ بونەوەرەكێ ئالۆزە چنكو بۆ ماوە و ژینگەهێ هەردوویان كارتێكرن لسەر هەیە، هەروەسا هزر و ئارەزۆیێن مرۆڤی بەردەوام دئێنە گهۆرین، ئێك ژبابەتێ هەری گرنگ كو ب پیڤەرێ مرۆڤی دئێتە هژمارتن كەسایەتیا مرۆڤی.
كەسایەتی گەلەك جۆرێن وێ هەنە هەر جۆرەكی كۆمەكا ساخلەتێن تایبەت هەنە، كەسایەتیا سەرەنجراكێش ئێك ژوانە هەموو كەس هەولددەن كو كەسایەتیەكا سەرەنج راكێش هەبت و ئەڤ چەندە ل نك هەموو كەسان هەیە و هەر كەسەكی دڤێت ببتە خودان جیێ رێزگرتن و باوەریێ دناڤ خەلكی دا، چەندین ئامۆژگاری هەنە داكو ب بیە خودان كەسایەتیەكا سەرەنج راكێش بۆ نموونە تێگەهشتنا هزر و بۆچۆنێن كەسێن بەرامبەر و هەر كەسەكی وەكو هەست و سۆزێن وی رێزێ لێبگرە نابت مرۆڤ بۆچۆنێن خۆ لسەر كەسی ب سەپینت، گەلەك یێ دەڤ گازندە نەبە هەموو كەسا ل ڤێ ژیانێ دا كۆمەكا ئاریشەیان هەیە بەلێ نابت هەردەم بەحسێ وان ئاریشان بكن ب تایبەتی دەمێ دگەل كەسێن دی سەحبەتێ دكن و ئەڤ چەندە دێ بتە جیێ دلگرانیا كەسێ بەرامبەر، هۆنەرێ گوهداریكرنێ ئەڤ هۆنەرە خەلكێ بخۆ رادكێشت دەمێ ئێك د ئاخفت گوهداریا وی بكە تاكو ب داوی دۆێت پاشی توو بۆچۆنێن خۆ پێشكێش بكەی، و خۆ مەزن نەكە ژبەركو دەمێ خۆ مەزن دكەی د ئاخفتنێ دا یان د رەفتاران دا وی دەمی مرۆڤ دچاڤێ خەلكی دا كێم دبت،چنكو خەلك بتر حەش مرۆڤێن سادە و خودان رێز دكت، دیسان هەردەم یێ گەشبین بە بۆ ژیانێ بەلێ ژ سنووران دەرباز نەبت بگەهیە وێ چەندێ د خەیالان دا بژی.
تێبینیێن خەلكی قەبوول بكە و تشتێن باش مفایی ژێ وەربگرە و خۆ ژ یێ خراب دوور بكە، دیسان ب راستگۆیی هەول بدە د ئاخفتنێ دا مرۆڤەكی راستگۆ بە چنكو مرۆڤێن راستگۆ هەردەم یێ سەر بلندە دناڤ خەلكی دا، هەروەسا بلا بەردەوام گرنژین لسەر دێمێ تەبت ئەڤ چەندە دێ كەسێن بەرامبەری تە دلخۆش كەت، هەروەسا ب شێوەیەكی ئەرێنی هزربكە و رەفتارێ بكە،چنكو مرۆڤ بەرهەمێ هزرێن خۆیە چی هزرێ بكت دێ هەمان رەفتار كت، دیسان خۆ دیاركرنا سەرسورهێنەر وەختێ توو دزانی ئێك پێتڤی هاریكاریێ یە تە شیان هەبن هاریكاریا وی بكە چ ئالیێ مادی یان مەعنەوی ڤە بت.
تُتاح هذه الصورة أيضا في: کوردی