كورتیەك ژ ژیانا دەنگبێژێ وەغەركری(ناسر ئلیاس)
حیدەر عەرەبۆ یوسڤانی
بەردەفك و سترانڤان و رەوشا كۆچك و دیوانێن میر و ماقوولا ، دلسۆز و وەفادارێ چیایێ ڕەنگین ، كۆڤاندارێ ژیانەكا ئازاد ل وەلاتەكی ئازاد دا ، ئاشقێ داستانێن عەشق و ئەڤینیێ و مێر چاكێن ب دەنگێن خۆ یێ نازك و شێرێن.
ناسر ئلیاس ل سالا(1982)ێ ل كۆمەلگەها تل قەسب چاڤێن خۆ ل دنیایێ ڤەدكە، ل سالا(1989)ێ ل گوندێ خۆ دچە قوتابخانێ و پشتی شەش سالان دچە قوتابخانێ دەست ژێ بەرددەت ژ بەر رەوشا ئابووری یا مالباتا وی، ناسر دتەمەنێ نەه سالی دا دەست ب گۆتنا سترانێ دكە و دبتە حەژێكەرێ سترانا فلكلۆری یا چیایێ شنگالێ و بوو حەژێكەرێ دەنگێ سترانڤان قەوالێ شێخ مووس و لسەر بنگەهێ سترانا قەوال سترانێن خۆ دبێژە،ناسر ب تنێ بوو د مالبەتێ دا و شەش خۆشك هەبوون،ناڤێ دەیكا وی بەهار سماعیلە ، و ناسر د شانزدە سالی یا خۆ دا پرۆسێسا هەڤژینیێ دگەل نارین موراد پێكئانی هەفت كەچی ناسر ژ نارینێ چێبوون ، و هەر تم چاڤین مالباتا وی د كورەكی بوون،لێ دیسا ناسر ل كێلكا هەملاتێن دەنگبێژیا خۆ دكە،ناسر و دەیكا خۆ بەهارێ ب هەڤرا ستران دگۆتن،ب خۆ دەنگبێژیا خۆ دلێ باب ، دۆست ،هەڤال و هۆنەر دۆستێن چیایێ شنگالێ شاد دكرن ، ناسر ب گۆتنا سترانان حەژێكرنا خۆ بۆ چیایێ شنگالێ دیاردكر.
لێ پشتی كو زارۆكێن كور چێنەبووین لسەر وی بنگەهی مالباتا وی ئەو نەچاركر هەڤژینا دووێ بینت، ئەو بوو ناسر(7گولانا 2013)ێ جارەكا دی پرۆسێسا هەڤژینیێ پێكئانی دگەل بەیاز دەلۆ ژبۆ كورەك بۆ وان چێببێ،لێ پشتی دوو مەها و چار رۆژان ژ شەهیانا وی دگەل مامێ خۆ خێرۆ دچنە سەرەدانا لێ دناڤبەرا گوندێ زۆرئاڤا و گوندێ گرشەبك، ل(21ی تیرمەها 2013)ێ تووشی روودانەكا دلتەزین دبن وترومبێلا وان وەردگەرت و هەردوو گیانێ خۆ بۆ یەزدانێ پاك دسپێرن و لبەر مەزارگەهێ پیرێ ئەورا ل قونتارا چیایێ شنگالێ دئێتە ڤەشارتن.
لێ پشتی چەندەكێ هەڤژینا وی نارین كورەك بۆ چێدبێ و ناڤی وی ژی دكەنە ناسر ژبەر ناڤێ بابێ وی و مالبەتا وی كەیفخۆش دبن، دوو دۆست و هەڤالێن ناسر یێن ناسر هەبوون ئەو ژی خدر ئبراهیم و چەلۆ بابێ فەرحان بوون.
تُتاح هذه الصورة أيضا في: کوردی