سروشتێ مرۆڤی د لوژیكا هزركرنێ دا
جوان عزەت
پشكا ئێكێ
مرۆڤ د بنەرەت دا بوونەوەرەكێ كۆمەلایەتی و سروشتی و جڤاكی یە، ب رێیا ڤان هەر سێ بنەمایان فێری خویەتیەكا گوهەرینێ دبت، ب تایبەتی ئەو كەسێ چەند نێزیكی پەیوەندیێن جڤاكی دبت و ڤەكۆلینێ لسەر درووستبوونا جۆرێن سروشتی و زانستێ هزركرنێ دكت، هند د هشێ خۆ ژی دا دبتە مرۆڤەكێ هشیار و ل خۆ ئاگەه نەخاسمە ئەگەر هەول و كارڤەدانێن وی لسەر ئەدەب و مەعریفا جڤاكی بن.
د تیورێ ئبن خەلدوونی دا بیروباوەرا جڤاكی یا رون و ئاشكەرا بوو هەر هەولەكا هاتبوو دان لسەر تیور و ناڤخوەیا سروشتێ جڤاكی دهاتە ئەنجام دان، ئەڤ بنەمایە د بنچینیەیێ خۆ دا یێ دروستە بتنێ جیاوازی ئەو بوو سروشتێ مرۆڤی د لوژیكا كەڤن دا ب شێوەكی بوو و لوژیكا نووی دا تشتەكێ دی دخوازت، ئەها ڤی سەردەمی دا جڤاكێ مە ژی هەمان شێواز هەیە،ئەو ژی ئەگەر كورتیەكێ لسەر لوژیكا كەڤن بدەینە دیاركرن سرۆشتێ مرۆڤی دسەردەمێن كەڤن دا بتر سروشتەكێ گرێدایی خەون و راستیێن ڤەشارتی بوو و هزرمەندیێن كەڤن ئەڤ جۆرێ لوژیكێ ب هندەك هزرێن دەرڤە مینا كاروبارێن جڤاكی و سیستەمێن ژیانا ب رێڤەبرنێ و سالوخەتێن گرێدایی هەموو رەنگ و روویێ جڤاكی دانە دیاركرن ئەڤە چەند ژی بتر د دەستێ وان كەسان دا بوو ئەوێن نوونەریا وان ئاكامێن گرێدایی ژین و ژیارا سادەیا خەلكەكێ لسەر وەختێن پاشایەتیێ دكرن، بەلێ پشتی بۆرینا قۆناغێن درێژ و خووندنا بلەز و ئاشكەراكرنا زانستێن نوو یێن سروشتێ مرۆڤینیێ ئێدی پیڤەرێن هزركرنێ هاتنە گهۆرین و بوونە پەیوەندیەك ب سروشتێ دەروونیێ تاكەكەسی ڤە، ئانكو لگۆر ئیدمەیێن هەڤدژیێ سەرەدەری دگەل خۆبوونا مرۆڤی هاتە كرن،لگۆر دیتنا من ئەڤ جۆرێ هزركرنێ د هەر دەمەكی دا دكارت كار ب گهۆرینا خۆ بكت ئەو ژی ئەگەر لدووڤ وی چارچۆڤەی بت ئەوێ حەزا ئەقلێ ڤەشارتی نەبت و هەولا نوویبوونێ د ناڤخوەیا خۆ دا بكت، (فروید) سێ نهێنیێن ڤەشارتی دبن ڤی لوژیكێ دەست نیشاكەت و ئەو ژی مەسەلەیێن لوژیكێ كریارا سكسی و هزرێن ڤەشارتی یێن ئاینی و بوویەرێن سیاسی ڤان هەرسێ بنەمایان بتنێ د سالوخەتێن سكسی دا دیاردكت بەلێ (ئادلەر) ڤان هەر سێ نهێنیێن ڤەشارتی ب هێزا سەرەكی یا ناڤەرۆكا ئەقل و دەروونێ مرۆڤی ڤە شرۆڤە دكت و هەرسێ خالان ب گرنگی بۆ سەرەئەنجامێ رێیێن ڤەكری و لوژیكا هزركرنا جڤاكی دبینت.
ئەنجام: ئانكو وان بوویەرێن گرێدایی ئاستێ هزركرنا تاكی ددەنە ئاشكەرا كرن، چنكو رۆنكرنا هەر تشتەكێ بچووك بەرامبەر گهۆرینا فاكتەرەكێ مەزنە هەردیسان شەرێ سروشتی شەرەكێ واقعییە و لدووڤ سیمایێ رەوش و كارڤەدانێن هزرا تاكبوونێ بەرجەستە دبت و كوراتیەكا بەرهەڤ و ئامادەكری پێ دڤێت هەتا كو مرۆڤ ب باشی د شرۆڤەیا وی بگەهت، ەخاسمە هەر كەسەك لگۆر تێگەهشتن و لوژیكێ خۆ دەربرینێ ددەتە تێگەهێن زانینا وی، لەورا دڤێت زانستێ بیركرنێ دگەل گونجاندنا یاسایێن ژیانێ ببتە فاكتەرێ رەنگڤەدانا خۆبوونێ.
تُتاح هذه الصورة أيضا في: کوردی