مەراسیمەکا ژ هەژی بۆ نووژەنکرنا ئاقدا شێخمەند و شێخ فەخرێ ئادیا هاتە گێران
پەرستگەها لالش- تۆرا ڕاگەهاندنا لالش
ل رێکكهفتی ١٤ی تهموزا ٢٠٢١ێ ب حازربوونا میرێ شێخا و بابەشێخ و جڤاتا ڕۆحانییا ئێزدییان و شێخ شامۆ ڕاوێژکارێ سەرۆکێ حکومەتێ بۆ کاروبارێن ئێزدییان و ڕویسپی و ماقولێن هەوێرییان لە سەرانسەری دەڤەرێن ئێزدییان، د مەراسیمەکا ژ هەژی دا ئاقد و نیشانگەها شێخمەند و شێخ فەخرێ ئادییا پشتی نووژەنکرنێ هاتە پیرۆزكرن وتوافكرن.ل دەستپێکا مهراسیما خۆلەکەک وەک ڕێزگرتن بۆ تەڤاهیا جانگۆریێن ڤێ ئاخ و ئۆلی ڕاوەستیان و پاشان پەیڤا ب خێرهاتنێ ژ ئالیێ شێخ خیڕی شێخۆ ڤە هاتە پێشكێشكرن، و بخێرهاتنا میرێ شێخا و بابە شێخ و تەڤاهیا مێڤانا و هەمی هەوێری و کەسێن خودان شیخمەند کر.
پاشان چهندین قەول و بەیتێن ئۆلی ژ ئالیێ زەلامین ئۆلی ڤە هاتنە رێزكرن، د دوڤڕا ژی، ئەندازیار بشار معاویە، ئیک ژ ئەندازیارێن پرۆژەیێ، ب وێنە و راپۆرت ڕۆناهی ئێخستە سەر قۆناغێن نووژەنکرنێ و شێوازی دروستکرنا ئاقد و نیشانگەهێ.
هەروەسان دەخیل نایف ژی ب زەلالی چاوانییا خەرجکرنا پارەیی بۆ مێڤانان ئاشکەراکر کو زێدەتری ١٨٥ ملیۆن دیناران هاتبوو خەرجکرن ل ئاقد و نێشانگەها ناڤهاتی هەروەسان ژی دەهام محۆ، دپهیڤهكێ دا ب نوینەراتیا هەوێریێن ئەوروپا بەحسا چاوانییا کارکرن و هزرا نووژەنکرنا ڤان ئاقدا کر و رۆلێ هەویرێن ئەوروپا بلند نرخاند د كۆمڤهكرنا خێرێ دا.
ژ هەژی گۆتنێ ییە نێزیکی ساڵەکێ ییە کارکرن ل سەر ئاقدا شێخ مەند و شێخ فەخرێ ئادییا دهێتە کرن.
بۆ زانینن خەلکەکی زۆر ژ ناوچەیێن ئێزدییان حازربوون و کۆمەکا مێڤانان ژ وەڵاتێن رووسیا و ئۆکرانیا و ئەرمینیا ژی ل ڤێ ڕێ و ڕسمێ د ئامادەبوون.
پشتی هنگی میر و بابەشێخ و جڤاتا ڕۆحانی و شاندێن مێڤان و کەسانێ حازر قەستا ئاقدێ شێخمەند و شێخ فەخرێ ئادییا کرن و ب قەول بەیت و قەسیدەیێن ئۆلی و دمەراسیمەکا ژ هەژی دا نوژهنكرنا ئاقد ونیشانگههێ هاته پیرۆزكرن وتوافکرن.
ل داویێ ژی ب تفاق و تەبایی و ب خێرا خودێ و شێخ مەند حازبووییان نانخوارنەک پێکڤە خوار.
تُتاح هذه الصورة أيضا في: کوردی