سهرۆك بارزانى: رهوشا كوردستانێ جوداهيهكا مهزن ل گهل ئهفغانستانێ ههيه
گاڤ نيوز
سهرۆك مهسعوود بارزانى، راگههاند، دڤێت ههمى ئاليهك بزانيت ههر مللهتهك ئهگهر پشت ب خۆ و شيانێن خۆ نهبهستيت، ههردهم ئهگهرێ گهفێ و ژ ناڤچوونێ ل سهره.
سهرۆك مهسعوود بارزانى، ئهڤرۆ رۆژا ئێك شهمبێ پهيامهك ل دۆر رهوشا ئهفغانستانێ بهلاڤكر و راگههاند، پشتى روودانێن ئهفغانستانێ دهمێ چهندين رۆژانه بزاڤەکا سياسى و ميديايى ب ئاراستهيا دروستكرنا ترس و بێهیڤیبوونێ د ناڤ خهلكێ كوردستانێ دا كار بۆ ههڤبهركرنا ههرێما كوردستانێ و ئهفغانستانێ دكهن، لڤێرێ پێدڤيه ههمى ئاليهك باش بزانيت ههر مللهتهك ئهگهر پشت ب خۆ و شيانێن خۆ نهبهستيت، ههردهم ئهگهرێ گهفێ و ژ ناڤچوونێ ل سهره، پشتهڤانيا خهلكى ژى ل وى دهمى بها ههيه و دڤێت کوردستانیان ئيراده ههبيت.
بارزانى د پهياما خۆ دا ديار ژی كريه، جوداهيهكا مهزن د ناڤبهرا ئهفغانستان و كوردستانێ دا ههروهسا د ناڤبهرا هێزێن پێشمهرگهى و سوپايێ ئهفغانستانێ دا ههيه، پێشمهرگه خودان ديرۆك، خوين و رۆندكێن گهلێ كوردستانێ یه، خودانێ سهدان داستانێن مێژوويى و قەهرەمانیێ يه، نموونهيا داستانێن كۆڕێ، تێكشكاندنا ئهفسانهيا داعشێ، داستانێن پردێ و سحێلايه كو نهيارێن كوردستانێ پيلانا وێ يهكێ ههبوو ئيرادهيا گهلێ كوردستانێ بشكێنن، لێ پێشمهرگهى و گهلێ كوردستانێ ب خۆراگرى و ئيرادهيا پوولايى پيلانا نهيار و دوژمنان ژناڤ بر.
سهرۆك مهسعوود بارزانى خهلكێ كوردستانێ پشت راست كر كو رهوشا كوردستانێ جوداهيهكا مهزن ل گهل ههمى جهێن دى ههيه، سوپاس كو پێشمهرگێن قەهرەمان و هێز ههنه و يا ژ ههميان ژى گرنگتر مللهتهكێ خودان قهزيه و ئيردە ههيه و دوپات كر، ئهگهر دوژمن و نهحهزان خهيالا هندێ ههبيت ئازارا خهلكێ كوردستانێ بدهن، چ جاران بۆ وان ب ساناهى نهچوويه سهر و ب پشتراستى ژى ڤه ل پاشهرۆژێ ژى بۆ وان ناچيته سهری.
بارزانى دازانين ژى ههر كهسهكێ بڤێت بێهیڤیبوونێ و خۆ ب كێمزانينێن نه دجهـ دا ل ناڤ خهلكێ کوردستانێ بهلاڤ بكهت، دياره هێشتا نهشيايه د ئيراده و خۆڕاگريا گهلى دا بگههيت.
تُتاح هذه الصورة أيضا في: کوردی