سەرۆك بارزانی: ب ڤێ سهركهفتنێ بلا بهرپرسێن پارتى پتر خزمهتا خهلكى بكن
سهرۆك بارزانی، ب ههلكهفتا سهركهفتنا پرۆسا ههلبژارتنان و كاندێن پارتی دیموكراتی كوردستان پهیامهك راگههاند.
دهقێ پهیاما سهرۆك بارزانی
بناڤێ خودایێ مەزن و دلۆڤان
ب ههلكهفتا سەركەفتنا پڕۆسا هەلبژارتنێن جڤاتا نوونەرێن عێراقێ و سەركەفتنا پارتی دیموكراتی كوردستان د وان هەڵبژارتنان دا پیرۆزباهیان ل گەلێ كوردستانێ دكەم.
پیرۆزباهیێ ل كادر و ئەندام و لایەنگرێن پارتی دكەم كو شیان د ههڤركیهكا مەدەنی و ئارامدا سەركەفتنهكا مهزن بۆ پارتی و ڕێبازا وێ مسۆگەر بكەن و ڕۆحا شەهیدان ئارام بكەن.
سەركەفتنا پارتی د وان هەلبژارتنان دا ب مانا سەركەفتنا پڕەنسیب و بها و وان بنەمانە كو خەباتا گەلێ كوردستانێ ل سەر راوەستایە، پەیامهكە بۆ هەموو لایەكێ كو گەلێ كوردستانێ د هیچ بارودۆخهكێدا دەستبەرداری مێژوو و بهایێن خوه نابیت” پێدڤییە ئەڤ سەركەفتنا پارتی ببیتە ئهگهرێ هندێ كو بەرپرس و كادر و ئەندامێن پارتی پتر خزمەتا خەلكێ بكەن، هەردهم ئهو شیرهتا ب نرخ یا بارزانی ل بیرا وان بیت، ” د سەركەفتنان دا مەغروور نەبن و د شكهستان دا بێ هیڤی نهبن..
هەر ب ڤێ ههلكهفتێ سوپاسییا كۆمسیۆنا بلند یا هەلبژارتنان و دەزگههێن ئەمنی و سەرجەم لایەنێن پەیوەندیدار یێن هەرێما كوردستانێ و عێراقا فیدڕال دكەم كو هشیاری و ماندووبوونا وان بوویه ئهگهرێ سەركەفتنا پڕۆسا هەڵبژارتنێن جڤاتا نوونەرێن عێراقێ و دەستخۆشیێ لێ دكەم. هەروەسا ڕۆلێ بەڕێز مستەفا كازمی سەرۆكوەزیران د ئەنجامدانا هەڵبژارتنان دا بلند دنرخینین.
سەركەفتنا پڕۆسا هەلبژارتنان سەركەفتنا ئیرادەیا گەلی و سەركەفتنا دیموكراسیێ یه” لهوما هیڤیدارم پشتی ئهڤان هەلبژارتنان لایەنێن كوردستانی ئێكرێز و تهمامكهرێن ئێك بن” هیڤیدارم هەموو لایەن پێكڤه و بۆ ئێك ئارمانجا ههڤپشك ژ پێخهمهت بەرژەوەندیێن بلند یێن كوردستانێ و بەرگریكرنێ ژ ماف و دەستكەفتێن گەلێ كوردستانێ كار بكەن، ل سەر بنەمایێ شەراكەتا ڕاستەقینە پەیوەندیێن هەرێما كوردستانێ و عێراقا فیدڕاڵ ئاڤا بكهن.
جارهكا دیتر سوپاس بۆ گەلێ كوردستانێ و سوپاسییا تایبەت ژی بۆ خووشك و برایێن خۆڕاگر و خودان بیروباوەڕ ل كەركووكا دلێ كوردستانێ.
مهسعود بارزانی
11ی چریا ئێكێ 2021
تُتاح هذه الصورة أيضا في: کوردی