مهسروور بارزانى: قووناغهكا نوى دهست پێدكهت و پێدڤیه كورد ل بهغدا ئێكڕێز بن
گاڤ نیوز
سهرۆكێ حكومهتا ههرێما كوردستانێ د پهیامهكێ دا ل دۆر ب دویماهیهاتنا پرۆسهیا ههلبژارتنێن جڤاتا نوینهرێن ئیراقێ راگههاند، پشتى ههلبژارتنان قوناغهكا نوى دهست پێدكهت و پێدڤیه بهربژارێن كورد یێن سهركهفتى ل بهغدا داكۆكیێ ل مافێن دهستوورى یێن ههرێمێ بكهن.
مهسروور بارزانى د پهیاما خۆ دا سپاسیا وهلاتیێن ههرێمێ كر بۆ پشكداریا وان د ههلبژارتنان دا، ههروهسا سپاسیا پێشمهرگهى، هێزێن ئێمناهیێ، كارمهندێن كومسیۆنێ كر بۆ پاراستنا ئێمناهیا پرۆسهیێ و سهرخستنا وێ.
بارزانى راگههاند ژى، ل هژمارهكا بنگههـ و وێستگههێن دهنگدانێ كێشهیێن تهكنیكى ههبوون و هژمارهكا مهزن یا خهلكى نهشیان دهنگێ خۆ بدهن، ههروهسا ل ناوچهیێن كوردستانى یێن دهرڤهى ههرێمێ هندهك گرۆپێن دهرڤهى یاسایێ رێگرى ل چوونا وهلاتیان بۆ بنگههێن دهنگدانێ كر، بۆ ڤێ ئێكێ ژى ڤێ ئێڤارى وى پهیوهندى ب سهرۆك وهزیرێن ئیراقێ مستهفا كازمى كر بۆ لێكۆلین و دیڤچونا وان كێشهیان.
سهرۆكێ حكومهتێ دیاركر ژى، پشتى تمامبوونا پۆسهیا ههلبژارتنان قوناغهكا نوى دهست پێ دكهت و بهربژارێن سهردكهڤن پێدڤیه ئێكدهنگ بن و پێكڤه كار بكهن بۆ داكۆكیكرنێ ل مافێن دهستوورى یێن خهلكێ ههرێمێ و پشت ل ههڤڕكى و ململانێ یا ناڤخۆ بكهن، بۆ ڤێ مهرهمێ ژى دێ دگهل ههموو ئالیان د پهیوهندیێ دا بن.
تُتاح هذه الصورة أيضا في: کوردی