پارتى سه‌ركه‌فتنا 4 كاندیدێن خۆ ل سنورێ شنگال زومار راگه‌هاند
گاڤ نیوز- تایبەت
ئاشتى كۆچه‌ر به‌رپرسێ لقا 17 یا پارتى بۆگاڤ نیوز دا زانین، 4 به‌ربژارێن پارتى ل سنورێ بازنه‌یا 3 ل شنگال و بازنه‌یا 4 ل تله‌عفه‌ر سه‌ركه‌فتینه.
به‌رپرسێ لقا 17 دا زانین، ل سنورێ بازنه‌یا 3ێ ل شنگالێ هه‌ر سێ به‌ربژارێن پارتى ( مه‌حما خه‌لیل، ڤیان ده‌خیل و ماجد شنگالى) بسه‌ركه‌فتینه. هه‌روه‌سا به‌ربژارێ پارتى (ئیبراهیم محه‌مه‌د قه‌دو) ل ناوچه‌یا زومار ل سنورێ بازنه‌یێ 4 بسه‌ركه‌فتیه.
ژلایێ خۆڤه مه‌حما خه‌لیل، به‌ربژارێ سه‌ركه‌فتی ل بازنه‌یا 3 بۆ گاڤ دا زانین وى پترى 17 هزار ده‌نگان بده‌ستڤه ئیناینه، نڤیسینگه‌ها به‌ربژار ڤیان ده‌خیلێ ژى بۆ گاڤ دا زانین وێ 11 بۆ 12 هزار ده‌نگان بده‌ستڤه ئیناینه. هه‌روه‌سا ژێده‌ره‌كى بۆ گاڤ دا زانین (ئیبراهیم محه‌مه‌د قه‌دو) پترى 12 هزار ده‌نگان بده‌ستڤه‌ئیناینه. (ماجد شنگالى) ژى پترى 6 هزار ده‌نگان بده‌ستڤه‌ئیناینه.
تُتاح هذه الصورة أيضا في: کوردی