پارتی دەمێ ڤەکرنا لقا خۆ یا مووسلێ دیار کر
گاڤ نیوز:
بریارە پشتی پێکئینانا حکومەتا ئیراقێ، پارتی دیمۆکراتی کوردستان بنگەهێن خۆ ل مووسلێ دوبارە ڤەکەتە ڤە و ب گۆتنا بەرپرسێ لقا پارتی یا مووسلێ، ڤەگەڕاندنا بنگەهان دێ کاریگەریا خۆ هەبیت.
عەلی خەلیل، بەرپرسێ لقا پارتی یا مووسلێ بۆ مالپەڕێ فەرمی یێ حزبا خۆ گۆتیە: بەری هەلبژارتنان پارتی لژنەیا خۆ ل مووسلێ ڤەکریە و نوکە ئەو خواندنێ بۆ پێشهاتێن پێکئینانا حکومەتا ئیراقێ دکەن و پشتی پێکئینانا حکومەتێ، د پلانا وان دایە بارەگەهێ لقێ و نڤیسینگەهێن خۆ یێن دی ل مووسلێ ڤەکەنە ڤە.
هەروەسا دیار کر: هەر ژ سالا 2014ێ و داگیرکرنا مووسلێ ژ لایێ داعشێ ڤە، پارتی بنگەهـ ل وی باژێڕی نەماینە و دوبارە ڤەکرنا بنگەهان، دێ د بەرژەوەندیا کارێ وان دابیت.
تُتاح هذه الصورة أيضا في: کوردی