پەرتۆكا میر”ئیسماعیل چول بەگ” هاتە بەلاڤكرن
تۆرا لالش/دهۆك
درێورەسمەكا تایبەت دا ل هۆلا شێخ شامۆ ل بنگەهێ لالش ل دهۆكێ،رێورەسمێن ئیمزاكرن و بەلاڤكرنا پەرتۆكا میر”ئیسماعیل چول بەگ” هاتنە گێران.
ئەڤ پەرتۆك چەندین بابەتان بخۆ ڤەدگرت و تێدا نڤیسەری رۆناهی ئێخستیە سەر كار و خەبات و ژیانا میری بۆ خزمەتكرنا جڤاكا ئێزدیان د درێژاهیا ژیانا خۆ دا.
دوهی 6ی ئادارا 2022ێ و ب ئامادەبوونا هەژمارەكا كەسایەتی و رەوشەنبیران، رێورەسمێن ئیمزاكرن و بەلاڤكرنا پەرتۆكا میر”ئیسماعیل چول بك” یا نڤیسكار داود موراد خەتاری هاتنە گێران.
ل بەراهیێ نڤیسەرێ پەرتۆكێ پێناسەیەك دا سەر پەرتۆكێ و ب درێژاهی بەحس ل ناڤەرۆكا وێ كر و دیاركر كو میر ئیسماعیل ژیانا خۆ تەرخانكربوو ژبۆ مللەتی و رۆلەكێ مەزن و بەرچاڤ بۆ خزمەتكرنا ئێزدیان ل هەر بوارەكی دا هەبوویە،لەوا ئەم ژی ب رۆلێ وی رابووین كو دیكیۆمێنتێن وی ل ئەرشیفێ چەندین وەلاتان دا یێن ماین و ئەو كارێ وی هەموو یێ هاتیە دیكیۆمێنتكرن.
شەمۆ قاسم،بەرپرسێ پشكا رەوشەنبیری ل بنگەهێ لالش دیاركر؛ وەكو بنگەهێ لالش هەر ژ دامەزراندنا خۆ و هەتا ئیرۆ رۆژ مە ئەركەك لسەر مللێ خۆ دانایە كو پشتەڤانیا نڤیسەر و ڤەكۆلەران بكەین،وەكو بنگەه خەباتەكا مەزن یا هەی دئالیێ رەوشەنبیری دا و پەرتۆكێن ب دەهان نڤیسەران چاپكرینە و ئەڤ نڤیسەرێن ئەگەر پەرتۆكێن وان نەهاتینە چاپكرن ژی،ئەم ب كارێ گێرانا ئاهەنگا ئیمزاكرن و بەلاڤكرنا پەرتۆكێن وان رادبین.
ل داویێ پەرتۆكا ناڤبری هاتە ئیمزاكرن و بسەر ئامادەبوویان دا هاتە بەلاڤكرن.
تُتاح هذه الصورة أيضا في: کوردی