مهسرور بارزانی: نەورۆز بۆ گەلێ کوردستانێ، هەردهم سیمبۆلا خۆراگریێ و بەرهنگاربوونا ستەمێ بوویه
خانى نيوز:
مهسرور بارزانى سهرۆكێ حكومهتا ههرێما كوردستانێ پهیامهك ب ههلكهفتا هاتنا جهژنا نهورۆزێ و سهرێ سالا كوردى بهلاڤكر و راگههاند، ب ههلكهفتا جهژنا نهورۆزێ و سهرێ سالا نوو یا كوردى گهرمترین پیرۆزباهییان ئاراستهیی ههموو كوردستانییان دكهم ب تایبهتى پێشمهرگێن قههرهمان و هێزێن ئاسایشا ناڤخۆ و كهس و كار و مالباتێن، سهربلندێن شههیدان و ئهنفالكرییان، هیڤیدارم رۆژێن بهێنڤهدانێ د رهوشهكا ئارام و شادى و خۆشیدا ببهنه سهر، داخوازێ ژ وهلاتییان دكهم د دهمێ گهشت و سهیرانێن خوهدا پاقژییا ژینگههى ب پارێزن و رێنمایێن هاتنوچوونێ بجهـ بینن.
سهرۆكێ حكومهتا ههرێمێ د پهیاما خوه دا گۆتییه ژى، ب درێژاهییا دیرۆكێ نهورۆز بۆ گهلێ كوردستانێ ههردهم سیمبۆلا خوهراگریێ و بهرهنگاربوونا ستهم و زۆرداریێ و درێژهدان ب خهبات و ئازادى و رزگاربوونێ بوویه” گهلێ كوردستانێ نوكه ژى د خهباتێدا بهردهوامه ژ بۆ پاراستن و بهرهڤانیكرن ژ مافێن خوه یێن دستوورى، بهرههڤ ژى نینه ل ژێر ههر گڤاشتنهكێدا دهستان ژ داخوازى و مافێن خوه یێن رهوا بهردهت.
مهسرور بارزانى دیاركریه ژى، د ئهڤێ ههلكهفتێدا دووپات دكهین، ههرێما كوردستانێ وهكو ههردهم دێ فاكتهرهكێ گرنگێ سهقامگیرى و ئارامییێ بیت ل دهڤهرێ و چو دهمهكى ئهگهرێ گهف و مهترسییێ نهبوویه بۆ چو ئالییهكى، بهلكو بهروڤاژى ل تهنشت بهرهڤانیكرن ژ مافێن خوه یێن رهوا و دهستورى، رۆلهكێ گرنگ ژى دیتییه د گرنگیدان ب كهلتوورێ لێبورینێ و پێكڤهژیانێ و ئاشتیانه یا ههموو پێكهاتهیێن ههرێما كوردستانێ و ئیراقێ.
تُتاح هذه الصورة أيضا في: کوردی