ئیراق دێ ملیارەک 500 ملیۆن دیناران بۆ بهێزکرنا ئاسایشا شنگالێ خەرج کەت
گاڤ نیوز
وەزارەتا دارایی یا ئیراقێ بریار دایە کۆژمێ ملیارەک و 500 ملیۆن دیناران بۆ فەرماندەیا ئۆپەراسیۆنێن هەڤپشک ب ئارمانجا بهێزکرنا ئاسایشا شنگالێ خەرج بکەت.
دوهی ئێڤاری جڤاتا وەزیرێن ئیراقێ ب سەرۆکاتیا مستەفا کازمی، سەرۆکوەزیرێ ئیراقێ کۆم ببوو و تێدا ژمارەکا بریارا پەسەند کرن و ئێک ژ وان بریارا ئەوە کو وەزارەتا دارایی دێ کۆژمێ ملیارەک و 500 ملیۆن دیناران بۆ فەرماندەیا ئۆپەراسیۆنێن هەڤپشک ب ئارمانجا بهێزکرنا ئاسایشا شنگالێ خەرج کەت.
ل سالا 2020ێ ب ئارمانجا ئاساییکرنا رەوشا شنگالێ و ڤەگەراندنا ئاوارەیان، حکومەتا هەرێما کوردستانێ ل گەل حکومەتا فیدرال ب پشکداریا نەتەوەیێن ئێکگرتی رێککەفتنەک ئیمزا کر و تێدا هاتیە، بتنێ دێ پۆلیسێن دەڤەرێ و دەزگەهێ ئاسایشا نشتیمانی و هەوالگیری بەرپرساتیا ئاسایشا شنگالێ ب ستویێ خۆڤە گرن و هەبوونا هەر هێزەکا دی یا چەکدار نەقانوونی یە.
ئێک ژ خالێن دی یێن رێککەفتنی دەرئێخستنا ب تەمامی یا هەمێ هێزێن سەر ب پەکەکێ ڤە و نابیت وان هێزان چ رۆل ل وێ دەڤەرێ هەبیت، لێ تا نوکە ژبەر هەبوونا چەندین هێزێن چەکدار و گرۆپێن میلیشیا، رێککەفتن نەهاتیە بجهئینان.
تُتاح هذه الصورة أيضا في: کوردی