ل گوندێ بۆزا دەست ب نووژەنكرنا قوتابخانەیان دێ ئێتە كرن
تۆرا لالش:
ل گوندێ بۆزا سەر ب ناحیا ئەلقووش ڤە،هژمارا قوتابیان زۆربوویە و كێشا كێمیا قوتابخانان هەیە،ل قوتابخانا ئامادەیا بۆزا سێ دەوام دئێنە كرن و تێكچوویە،بریارە دەست ب نووژەنكرنا وێ بێتە كرن.
رێڤەبەرێ پەروەردا قەزا تلكێفێ سلێمان حەجی،بۆ رۆژناما دەنگێ لالش گۆت:لژنەیەك بۆ چارەكرنا كێمیا قوتابخانان ل گوندێ بۆزا هاتیە پێكئینان،مە داخواز ژ هەردوو پارێزگەهێن مووسل و دهۆكێ كریە ب زووترین دەم بارەگایەكێ نوو بێتە دروست كرن داكو ئەڤ ئاریشە نەمینت ،بەریا چەندێ چار پۆل ژلایێ پارێزگەها مووسلئ ڤە هاتنە نووژەنكرن نهۆ ژی كوژمەكێ دراڤی ژلایێ پارێزگەها دهۆكێ ڤە هاتیە تەرخانكرن بۆ هندێ قووتابخانا ئامادەیا بۆزا بێتە نووژەنكرن.
زیاد كامیران،مامۆستایە ل قووتابخانا بنەرەت یا بۆزا،بۆ رۆژناما دەنگێ لالش دیاركر، ژبەرنەبوونا بارەگایێن قووتابخانێ ئاریشە ل هەمبەری قووتابیان دناڤ پۆلێ دا دروست بوویە،چەند هژمارا قووتابیان كێمتر بت قووتابی بتر فێری زانین و زانستی دبن،لێ ل گوندێ بۆزا دناڤ ئێك بارەگایی دا سێ دەوام دئێنە گۆتن ئەو ژی ناڤنجی و ئامادەیی و قوتابیێن ئاوارە یێن سەرەتایی لێ دخوونن و هژمارا وان نێزیكی 500 قووتابیایە،ئەم داخواز دكن بارەگایەكێ نوو ل گوندی بێتە دروست كرن،داكو ئەڤ كێشە نەمینن.
تُتاح هذه الصورة أيضا في: کوردی