سهرۆكێ حكومهتا ههرێمێ پێشوازى ل شاندهكێ سهربازى یێ ئهمریكا كر
رووداو دیجیتاڵ
سەرۆکوەزیرانی هەرێمی کوردستان و شاندێکی سەربازیی ئەمریکی کۆبوونەوە و باسیان لە بارودۆخی ئەمنی عێراق و هاوئاهەنگی نێوان پێشمەرگە و سوپای عێراق کرد.
رۆژی سێشەممە 21ـی حوزەیرانی 2022، مەسرور بارزانی، سەرۆکوەزیرانی هەرێمی کوردستان پێشوازی لە شاندێکی سەربازیی ئەمریکی بە سەرۆکایەتیی جەنەراڵ کیس فیلیپس گەورە راوێژکار و پاشکۆی سەربازیی ئەمەریکی لە عێراق کرد کە بەبۆنەی کۆتاییهاتنی ئەرکەکانی سەردانی کردبوو.
بەگوێرەی راگەیێندراوی نووسینگەی مەسرور بارزانی، لە دیدارەکەدا دوایین گۆڕانکاریی و پەرەسەندنەکانی بارودۆخی ئەمنی عێراق و رووبەڕووبوونەوەی داعش و تیرۆر بە گشتیی و گرنگیی برەودان بە هاوئاهەنگی نێوان پێشمەرگە و سوپای عێراق تاوتوێکرا.
سەرۆکوەزیرانی هەرێمی کوردستان وێڕای سوپاسکردنی پشتیوانی ئەمریکا لە هێزی پێشمەرگە، “هیوای سەرکەوتنی بۆ جەنەراڵ فیلیپس خواست لە ئەرکەکانی داهاتوویدا.”
لە راگەیێندراوەکەدا ئەوەش هاتووە کە گەورە راوێژکار و پاشکۆی سەربازیی ئەمریکی لە عێراق، “ستایشی رۆڵی پێشەنگ و هەوڵەکانی سەرۆکی حکومەتی کرد لە ئەنجامدانی پرۆسەی چاکسازیی لە وەزارەتی پێشمەرگە و جەختی لەوە کردەوە کە ئەم چاکسازییانە، هۆکارێکی بەهێزن بۆ بەردەوامبوونی هاریکاری و پشتگیرییەکانی هاوپەیمانان و بەتایبەتی ئەمریکا بۆ هێزی پێشمەرگەی کوردستان.”
تُتاح هذه الصورة أيضا في: کوردی