نوينهرێ كاكهييان: فهرمانا دهستهسهركرنێ بۆ تۆمهتباران دهرچوويه لێ هێش نههاتينه دهستهسهركرن
گاڤ نيوز
نوينهرێ كاكهييان ئهڤرۆ رۆژا ئێكشهمبيێ راگههاند كو 28 عهشيرهتێن كاكهيى د كۆمبوونهكێ دا ئهڤرۆ بهرههڤ ببوون و داخواز كرينه كو تۆمهتبارێن حهشدا شهعبى يێن كو سڤكاتى ب پێشمهرگهيهكێ كاكهيى كرين، بهێنه دهستهسهركرن.
نازم كاكهيى نوينهرێ كوردێن كاكهيى د پرێس كۆنفرانسهكێ دا راگههاند؛ فهرمانا دهستهسهركرنێ بۆ ههمى تۆمهتباران يێن كو سڤكاتى ب پێشمهرگهيهكێ كاكهيى كرين دهرچوويه و تا نوكه نههاتينه دهستهسهركرن.
ديار ژى كر؛ كاكهيى د پهيوهنديان دانه ژ بۆ رادهستكرنا تۆمهتباران بۆ ياسايێ و رهنگه د چهند دهمژمێرێن بهێت دا بهێنه رادهستكرن.
خۆيا ژى كر؛ پشتى كو تاوانبار بهێنه دهستهسهركرن، دێ جارهكا د كۆم بين و بڕيارێ دهين كا ل گهل عهشيرهتێن تاوانباران دانوستاندنێ بكهين يان نه.
ئاماژه دا وێ چهندێ ژى؛ ئهگهر تۆمهتبار نههێنه دهستهسهركرن، دێ مه ئاخفتنهكا دى ههبيت.
ناڤهاتى ئهو ئێك ژى نهڤهشارت كو ژمارهيهكا بهرپرسێن حهشدا شهعبى و پهرلهمانتارێن ئيراقى پهيوهندى ب وان كرينه و داخوازا روينشتنێ ل گهل وان كرينه و دياركر؛ لێ ئهم تا كو تۆمهتبار نههێنه دهستهسهركرن، ل گهل چ لايهنان كۆم نابين.
تُتاح هذه الصورة أيضا في: کوردی