بنگەهێ لالش سالڤهگهرا کۆمکوژیێن (گرعزێر و سیبا شێخدرێ)و (کۆچۆ) ل بیرئینا
تۆڕا لالش/دهۆك
ئیرۆ ئیکشەمبوویێ(١٤/٨/٢٠٢٢) بنگەهێ لالـش یێ ڕەوشەنبیری و کۆمەڵایەتی یادا ١٥ ساڵییا کۆمکوژیا (گرعزێر و سیبا شێخدرێ)و ٨ ساڵیا کۆمکووژیا (کۆچۆ) ل هۆلا شێخ شامۆ بیرئینا.
ب ئامادەبوونا میرێ ئێزدییان(میر حازم)، و رەوشەنبیر و کەسوکارێن قوربانییا ل دەستپێکێ وەک ڕێزگرتن ل گەل سروودا ئەی رەقیب خۆلەکەکی ڕاوەستییان بۆ وان گیانێ پاکێ جانگۆرییان،
ل دووڤدا ڕێزگرتن بۆ گیانێ وان شەمالک ژی ژئالیێ ئامادەبوویان هاتنە هەلکرن.
پاشان پەیڤان ب خێرهاتنێ ژ ئالیێ بەڕێز (سەعید جردۆ) سەرۆکێ دەستەیا بلندا بنگەهێ لالش ڤە هاتە پێشکیشکرن و بەحسا کۆمکوژیێن ب سەر ئیزدیان هاتین د دیرۆکێ دا بەحس کرن.
پاشان پەنەڵین چالاکیێ دەستپێکرن پانەلێ ئێکێ: (کۆمکوژیا ئێزدیان..دناڤبەرا میکانیزما ناساندنێ و کارتێکرنا وێ ل سەر ناسناما ئێزدییان) ژ ئالیێ د. کرمانج عوسمان، شارەزایێ یاسایا نیڤدەولەتی و د. سالم جاسم، سەرۆکێ سەنتەرێ ڤەکۆلینێن جینۆسایدێ ل زانکۆیا دهۆکێ و م، ئەسعەد ڕەشید، مامۆستایێ زانکۆیا دهۆکێ هاتە شرۆڤەکرن و فارس کتی، ئەندامێ دەستەییا بلندا بنگەهێ لالش ڕێڤەبرنا پانەلی دکر.
پانەڵێ دووێ: فیچەرەک ژئالیێ وار تی ڤە دێ ل دۆر کۆمکۆژیێن گرعزێر و سیباشێخدرێ و کۆچۆ هێتە پێشاندان.
پانەڵێ سێێ و دوماهیکێ ئیمزاکرنا پەرتووکا (کەڤۆکێن سیها تاووسێ) یا نڤیسەر و میدیاکار (کاروان باعەدری) هاتە ئیمزاکرن و ب سەر بەرهەڤبوویان دا هاتە پارڤەکرن و پەنەل ژ ئالیێ دەخیل نایف ئەندامي دەستەیا بلندا بنگەهێ لالش ڤە هاتە بڕێڤەبرن.
تُتاح هذه الصورة أيضا في: کوردی