سهرۆك بارزانى: دڤێت رێ ل زۆرداریا ل ئێزدیان دئێتهكرن، بێته گرتن
گاڤ نیوز
سهرۆك مهسعوود بارزانى پهیامهك ل یادا كارهساتا شنگالێ بهلاڤ كر و راگههاند، دڤێت رێ ل كارهسات، زولم و زۆریا ل دژى ئێزدیان دهێتهكرن، بهێتهگرتن.
سهرۆك مهسعوود بارزانى، ئهڤرۆ چارشهمبێ 3/8/2022 پهیامهك بهلاڤكر و راگههاند، دڤێت رێ ل كارهسات، زولم و زۆریا ل دژى ئێزدیان و ههمى پێكهاتێن دى ل ههرێما كوردستانێ بهێته گرتن و ئاشكرا كر، ئهو كارهسات درێژهپێدهرا زنجیرهیا وان كارهساتانه یێن ب درێژاهیا مێژوویێ همبهرى گهلێ كوردستانێ هاتینه كرن.
ههروهسا گۆت: گاڤا ئێكێ یا تهنابوونا برینا شنگالێ ئهوه شنگال ڤهگهڕیته د دهست خودانێن خۆیێن رهسهن دا و ئهو هێز و میلیشیا یێن دهست ب سهر شنگالێ دا گرتین دهستان ژ شنگالێ بهردهن و رێككهفتنا شنگالێ بهێته بجهئینان.
دهقێ پهیاما سهرۆك بارزانى بۆ ههشتهمین سالیادا كارهساتا شنگالێ
بناڤێ خودێ مهزن و دلۆڤان
ئهڤرۆ ههشت سال ب سهر تاوانا شنگالێ دا دهرباز بوون، تاوانا جینۆسایدا شنگالێ برینهكا كویره ل سهر لهشێ گهلێ كوردستانێ، دڤێ كارهساتێ دا خوشك و برایێن مه یێن ئێزدى ب ئهگهرا كوردبوون و ئاین و بیروباوهرێن خۆ كهفتنه بهر پێلا تیرۆرستان، ئهوا تاوانبارێن داعشێ ل دژى خوشك و برایێن ئێزدى كرى درێژهپێدهرا وان زنجیره كارهساتان و تاوانایه یێن ب درێژاهیا مێژوویێ همبهرى گهلێ كوردستانێ هاتینه كرن.
د ڤێ كارهساتا كۆمهلكوژیا شنگالێ دا جهێ داخێ یه زێدهبارى ههبوونا رێككهفتنێ د ناڤبهرا حكومهتێن ههرێم و ئیراقێ دا بۆ نوكه و پاشهرۆژا برێڤهبرنا شنگالێن هێشتا رێككهفتن نههاتیه بجهئینان، هندهك هێز و چهكدار بووینه ئهگهر خهلك نهڤهگهڕێت و شنگال نههێته ئاڤهدانكرن، پێنگاڤا ئێكێ یا تهنابوونا برینا شنگالێ ئهوه شنگال ڤهگهڕیته دهست خودانێن خۆیێن رهسهن و ئهو هێز و مێلیشیا یێن دهست ب سهر دا گرتین دهستان ژ شنگالێ بهردهن و رێككهفتنا شنگالێ هێته بجهئینان و ههروهسا پێدڤیه رێكارێن وهسا بگرنه بهر كو جارهكا دى كارهسات و ستهم و زۆرى و تاوان ل دژى ئێزدیان و پێكهاتێن دى دوباره نهبن.
دڤێ یادا دلتهزین دا ب بلندى یادا شههید و قوربانیێن شنگالێ دكهین، ههڤدهم یادا وان شههید و پێشمهرگهیێن قارهمان ژى دكهین كو بخوینا خۆ چیایێ شنگالێ پاراستن و ئابلۆقا تیرۆرستان ل سهر چیایێ شنگالێ تێكشكاند و باژێڕێ شنگالێ ژى ژ دهست تیرۆرستان رزگاركرن سهرئهنجام ژى مهردانه ئهفسانهیا داعشێ هاته شكاندن و سهرێ تیرۆرستان كهفته ژێرپێن كوردێن ئێزدى.
هزار سلاڤ ل گیانێ پاكێ شههیدێن شنگالێ و ههمى شههیدێن رێكا ئازادیا كوردستانێ
مهسعوود بارزانى
3ى ئابا 2022
تُتاح هذه الصورة أيضا في: کوردی