بڕیارهكا گرنگ دبەرژەوەنديا وهلاتيان دا هاته دان
باسنيوز:
حکوومەتی هەرێمی کوردستان بڕیارێکی گرنگی لەبارەی لێخۆشبوون کە چەند قەرزێک لە بەرژەوەندی هاووڵاتییان دەکرێت.
ئەمڕۆ شەممە 20/8/2022، فەرمانگەی میدیا و زانیاریی حکوومەتی هەرێمی کوردستان بڵاویکردەوە: “وەکوو هەوڵێک بۆ ئاسانکاری لە دانەوەی قەرزەکانی هاووڵاتییان لە پێشینەکانی خانووبەرە، سندوقی نیشتەجێبوون، هاوسەرگیری، قەرزی بچووك، کشتوکاڵ، پیشەسازی و گەشتیاری حکومەتی هەرێمی کوردستان داشکاندنی ١٥%ی بۆ تەواوی ئەو قەرزانە و لێخۆشبوونی تەواو بۆ سزاکانی دانەوەی پێشینەکانی دەکرێت”.
ئەوەش خراوەتە روو: “لەلایەکی دیکەوە وەزارەتی شارەوانی و گەشتوگوزاری حکومەتی هەرێمی کوردستان رایگەیاند کە داشکاندنی رێژەی 15% بۆ پابەندە داراییەکان بەردەوام دەبێت لە بواری شارەوانییەکان و گەشتوگوزار و ئاودا”.
ئاماژە بەوەش دراوە کە سزای دارایی دواکەوتنی قەرزی پارەی بەشدارییەکانی دەستەبەری کۆمەڵایەتی هەڵدەگیرێت، ئەگەر خاوەنکار پارەی کەڵەکەبووی بەشداربووان بە یەکجار و بەشێوەی نەختی بدات”.
هەروەها روونیشکراوەتەوە: “لە هەمان کاتدا لێخۆشبوونی تەواوی سزای دواکەوتن و سوود لەسەر باج و رەسمی کەڵەکەبووەکان وەرناگیرێت، بەمەرجێک ئەو هاووڵاتییە تەواوی باج و رەسمی کەڵەکەبووەکە بداتەوە”.
فەرمانگەی میدیا و زانیاری راشیگەیاندووە کە بەڕێوەبەرایەتی گشتی باج ئاماژە بەوە دەکات کە ئەو داشکاندنە تاوە 20ی ئەیلولی ئەمساڵ دەبێت.
تُتاح هذه الصورة أيضا في: کوردی