پارتی شەمبوويێ دێ دەست ب کۆنفرانسێن ناڤخۆیی کەت
گاڤ نیوز:
بریاره ل رۆژا شەمبیا بھێت پارتى دیموكراتى كوردستان دەست ب کۆنفرانسێن ناڤخۆیی بۆ دیارکرنا نوێنەرێن کۆنگرەیێ خۆ یێ 14ێ بکەت و سهرۆكێ لژنهیا ئامادهكارا كۆنگرهی دبێژیت: پرۆسه دێ 45 رۆژان ڤهكێشیت.
ئدریس هادى، سهرۆكێ لژنهیا ئامادهكارا كۆنگرهیێ پارتى بۆ گاڤ نیوز گۆت: ل شەمبیا بھێت كو دبیته 27ى تهباخێ، پارتی ب رێکا لژنا ئامادەکارا کۆنفرانسی دێ ل ھەمی بازنەیان دەست ب کۆنفرانسێن ناڤخۆیی کەت، ب مەرەما دیارکرنا نوێنەرێن کۆنگرەیێ 14ێ و پرۆسه دێ ههتا 15ى ههیڤا 10 بهردهوام بیت.
ل دیڤ زانیاریێن گاڤ، پتر ژ 600 هزار ئهندامێن پارتى ماف ههیه دهنگى بو ههلبژارتنا مهندۆبێن كۆنگرهى بدهن و ل گۆرهى پهیرهوێ كۆنگرهی ژى، ب تنێ ئهندامێن مهكتهبا سیاسى و سهركرداتیا پارتى دێ بێ دهنگدان بنه ئهندامێن كۆنگرهى و پێدڤیه رێژهیا 25% یا ئهندامێن كۆنگرهى ژن بن.
بریاره ل حەفتیا ئێکێ یا ههیڤا یازدە یا ئهڤساله، کۆنگرەیێ 14ێ یێ پارتى ل دهۆكێ بھێتەکرن و گاڤ زانیە ل ھەمی لژنەیێن محەلی و لقان پرۆسەیا پرۆپاکندا بەربژاران گەرم بوویە و ل سەر سۆشیال میدیایێ ژی رەنگڤەدان ھەیە.
تُتاح هذه الصورة أيضا في: کوردی