شاندەکێ قوتابیان ژ زانکۆیێن وهلاتێ ئەلمانیا سەرەدانا پەرستگەها لالش کرن
تۆڕا لالش یا ڕاگەهاندنێ :
ب مەرەما وەرگرتنا زانیاریان و تێکەل بوون دگەل ئێزدیان ، ل ڕێکەفتی 17ی ئەیلولا 2022ێ شاندەکَ قوتابیان ژ زانکۆیێن ئەلمَانیا سەرەدانا پەرستگەها پیرۆزا لالش کرن و هاتنە پێشوازیکرن ژلایێ بەرپرسێ نڤیسینگەها لالش ڤە.
شاندێ ناڤبری ژ ژمارەکا قوتابیێن زانکۆیێن ئەلمانیا ب سەرۆکاتیا (میرۆ)یێ نەڤیێ هۆزانڤانێ کوردێ بهرنیاس جەگەرخوونی پێکدهاتن و ب یاوەریا بەرپرسێ نڤیسینگەها لالش لوقمان سولێمان گەریانەک ل ناڤا هندورێ پەرستگەها لالش دان.
بەرپرسێ نڤیسینگەها لالش ددەمێ گەریانێ دا دگەل شاندێ ناڤبری ئەو ڕێ و رەسمێن ناڤا پەرستگەهێ دهێنە گێڕان شرۆڤە و راڤەکرن دگەل چەند رۆنکرنان ل دۆر چەندین هێما و نەقشێن بالکێشێن ناڤا پەرستگەهێ دا ئينان زمان .
جهێ ئاماژەپێکرنێ یە هاتنا شاند و کەسایەتیێن بیانی بۆ پەرستگەها لالش پێخەمەت هایداری شوێنەوار و دیرۆک و دێرینیا وێ ب تەرزەکی بەردەوام دهێن
س.س
تُتاح هذه الصورة أيضا في: کوردی