هندرین محهمهد : خهرجییێن ههلبژارتنێن پهرلهمانێ كوردستانێ دێ گههنه 20 ههتا 25 ملیۆن دۆلاران
خانى نيوز:
هندرین محهمهد، سهرۆكێ كۆمسیۆنا بلندا سهربهخۆ یا ههلبژارتنێن ههرێما كوردستانێ راگههاند، خهرجییێن ههلبژارتنێن خۆلا شهشێ یا پهرلهمانێ كوردستانێ دێ 20 ههتا 25 ملیۆن دۆلار بن.
سهرۆكێ كۆمسیۆنا بلندا سهربهخۆ یا ههلبژارتنێن ههرێما كوردستانێ ل دۆر دهستنیشانكرنا 18ى چریا دووێ یا بهێت وهكو ژڤانێ كرنا ههلبژارتنێن پهرلهمانێ كوردستانێ دیاركر، ئهڤ رێككهڤته رۆژهكا گونجایه و نێزیكى ههشت ههیڤان ل بهر كۆمسیۆنێ و ههڤپشكێن وێ ههنه، داكو خوه بۆ ههلبژارتنێن خۆلا شهشێ یا پهرلهمانى ئاماده بكهن.
سهرۆكێ كۆمسیۆنا بلندا سهربهخۆ یا ههلبژارتنان داخوازێ ژ پهرلهمانێ كوردستانێ دكهت، بابهتێ كاراكرنا كۆمسیۆنێ و قانوونا ههلبژارتنان ئێكلابكهت.
ل دۆر خهرجییێن ههلبژارتنێن پهرلهمانێ كوردستانێ، هندرین محهمهدى راگههاند، ئهڤجاره ژبهركو تهكنۆلۆجیا بایۆمترى دێ هێته دناڤ ههلبژارتناندا، پشكهكا ئهوێ بودجهیێ دڤێت دگهل كۆمسیۆنا عیراقێ بهێته ئێكلاكرن و گوت: بودجه و خهرجییێن ههلبژارتنان هندى كێم بن باشتره، لێ دڤێت ب جۆرهكى بیت كو كارتێكرنێ ل سهر كوالیتییێ نهكهت.
راگههاند ژى، ههلبژارتنێن پێشتر نێزیكى 15 ملیۆن دۆلار مهزاختن، لێ ئهڤجاره ژ ئهگهرێ بكارئینانا تهكنۆلۆجیایێ، رهنگه خهرجییێن ههلبژارتنان بگههنه 20 ههتا 25 ملیۆن دۆلاران.
تُتاح هذه الصورة أيضا في: کوردی