گۆڕەکێ ب کۆم یێ کچ و ژنێن ئێزدی هاتە دیتن
گاڤ
گۆرەکێ ب کۆم ل سنۆرێ پارێزگەها کەرکووکێ هاتە دیتن و ب گۆتنا حکومەتا ئیراقێ، کچ و ژنێن ئێزدی یێن قوربانیێن دەستێ داعشێ د وی گۆڕی دانە.
عەبد ئەللالە نائلی، سەرۆکێ دەزگەهێ شەهیدان یێ ئیراقێ د داخۆیانیەکا رۆژنامەڤانی دا راگەهاند: گۆڕەکێ ب کۆم ل دەڤەرداریا حەوێجە ل سنۆرێ پارێزگەها کەرکووکێ هاتبوو دیتن، پشتی تیمێن وان یێن تەکنیکی و ئەندازیاری گۆڕ هەلدای، دیار بوویە کو کەسێن د وی گۆڕی دا کچ و ژنێن ئێزدی نە یێن ب دەست داعشێ هاتینە کوشتن.
ناڤهاتی گۆت ژی: پشتی گۆڕ دهێتە هەلدان، ئەو دێ تەرمان رادەستی نوشداریا داد یا ئیراقێ کەن داکو ناسنامەیێن وان بهێنە ئاشکراکرن، تەرم ژی ب مالباتێن وان بهێنە دان.
تُتاح هذه الصورة أيضا في: کوردی