سهرۆك بارزانى: مهتران رهبانى رۆلهكێ بهرچاڤ د پشتەڤانیکرنا دۆزا رەوایا گەلێ کوردستانێ دا هەبوو
گاڤ
سهرۆك بارزانى پهیامهك ژبهر وهغهركرنا مهتران رهبانى بهلاڤكر و راگههاند، مهتران رهبانى رۆلهكێ بهرچاڤ د بهلاڤكرنا فهرههنگا پێكڤهژیانا ئۆلى و نهتهوهیى دا ههبوو.
سهرۆك مهسعوود بارزانى پهیامهكا سهرهخۆشیێ ژبهر وهغهركرنا مهتران رهبان ئهلقهس بهلاڤكر و راگههاند، ب لێبۆرین ڤه نووچهیێ وهغهركرنا كهسایهتیێ ئۆلى و دیارێ كلدانىێن كوردستانێ مهتران رهبان ئهلقهس مهترانێ كهنیسهیا كلدانى گههشته مه.
سهرۆك بارزانى د پهیاما خۆ دا دبێژیت: خودێ ژێرازى مهتران رهبان ئهلقهس رۆلهكێ مهزن و بهرچاڤ د بهلاڤكرنا فهرههنگا پێكڤهژیانا ئۆلى و نهتهوهیى دا ل كوردستانێ و پشتهڤانیكرن ل دۆزا رهوایا گهلێ كوردستانێ ههبوو، سهرهخۆشى ل خێزان و كهسوكار و خوشك و برایێن كرستیانێن كوردستانێ و جیهانێ كر و خۆ ب ههڤپشكێ خهما وان ژى زانى.
سهرۆك بارزانى ژ خودایێ مهزن د خوازیت گیانێ مهتران رهبان بهر ب دلۆڤانیا خۆ بێخیت و ب بهحشتا بهرین شاد بكهت و سهبر و ههدارێ بدهته ههموو ئالیهكى.
تُتاح هذه الصورة أيضا في: کوردی