نێچیرڤان بارزانی و جەعفەری رەوشا کوردستانێ و دەڤەرێ گۆتوبێژ کرن
WAAR-دهۆک:
سەرۆکوەزیرێن ھەرێما کوردستانێ ل ھەولێرێ دگەل وەزیرێ دەرڤە یێ ئیراقێ کۆم بوو و رەوشا دەڤەرێ گۆتوبێژ ل سەر کرن.
نێچیرڤان بارزانی سەرۆکوەزیرێن ھەرێما کوردستانێ دگەل ئیبراھیم جەعفەری وەزیرێ دەرڤە یێ ئیراقێ و شاندا دگەل دا کۆم بوو، ھەریەک ژ شەڕێ داعشێ، رەوشا دەڤەرێ ب گشتی و پەیوەندییێن ھەولێر و بەغدا، گۆتوبێژ ل سەر کرن.
سەرۆکێ وەزیران ل دەمەکی شادبوونا خوە ب سەرەدانا جەعفەری بۆ ھەرێما کوردستانێ دیار کر و راگەھاند ژی؛ سیاسەتا ھەرێمێ ئەوە دگەل سوپایێ ئیراقێ کار بۆ بنبڕکرنا تیرۆرێ ل ھەموو دەڤەرێ بکەت.
ھەروەسا گۆت: ھەرێما کوردستانێ ل وێ باوەرێ یە کو گرفتێن د ناڤبەرا ھەولێر و بەغدا دا ھەردەم دێ ب دیالۆگ ھێنە چارەکرن.
ژ لایێ خوە ڤە، جەعفەری ب پێدڤی زانی ھەماھەنگییا ناڤبەرا ھەولێر و بەغدا ب تایبەت د پرسا شەڕێ تیرۆرێ دا بەردەوام بیت.
تُتاح هذه الصورة أيضا في: کوردی