بهنكێن رافیدهین و رهشید رازى بوون ب قهر پارا بدهنه ههرێمێ بۆ دانا مووچهیان
گاڤ
وهزارهتا دارایی یا ئیراقی راگههاند، بانكین رافیدهین و رهشید دێ رێككهفتنهكێ دگهل ههرێما كوردستانێ ئیمزاكهن بۆ دانا پارهیێ پێدڤى ب قهر بۆ دانا مووچهیێن فهرمانبهرێن ههرێمێ.
ل گۆرهى بهیاننامهیهكا وهزارهتا درایی و پشتى رازیبوونا جڤاتا وهزیرێن ئیراقێ ل گۆرهى بریارا (23500) كو د كۆمبوونا رۆژا ئێكشهمبا بۆرى دا هاتیه دان، دێ ههر ئێك ژ بهنكێن رافیدهین و رهشید دگهل ههرێما كوردستانێ رێككهفتنهكێ ئیمزا كهن بۆ پڕكرنا وێ كورئتئینانا د دانا موچهیێن فهرمانبهرێن ههرێمی دا روى ددهت.
وهزارهتا درایی یا ئیراقێ دا زانین ژى ل گۆرهى ریككهفتنا دهێته كرن، قهرێن ب ههرێمێ دهینه دان دێ ژ بودجهیا ههرێمی هێنه بڕین پشتى پێگیرى ب مادهیێن یاسایا بودجهیێ دهێتهكرن.
وهزارهتێ د بهیاننامهیا خۆ دا دیاركر ژى، ئهو رژدن كو وهلاتیێن ههرێمێ بگههنه شایستهیێن خۆ یێن دارایی و ژ نوونهراتیا ههرێمێ ژى خواست دگهل وهزیرێ دارایی یێن ههرێمێ ههماههنگیێ بكهن بۆ ئیمزاكرنا رێككهفتنا دگهل بانكێن رافیدهین و رهشید.
تُتاح هذه الصورة أيضا في: کوردی