تۆرا لالش / شنگال
ئیرۆ پێنجشه‌مبێ، ل ڕێكه‌فتی 1ـی چریا ئێكێ يا 2026ێ، شانده‌كی بنگه‌هێ لالـش ب سه‌رپه‌رشتیا سه‌عید جردۆ، سه‌رۆكێ بنگه‌هێ لالش و ب ئاماده‌بوونا ئه‌ندامێن ده‌سته‌كا بلند و ژماره‌یه‌كا سه‌رۆكێن تای و نڤیسینگه‌هێن بنگه‌هی، ل شنگالێ پێشوازی ل رووفاتێن 25 قوربانیێن كۆمكوژییا ئێزدیان ل شنگالێ كرن.
د ڕێوڕه‌سمه‌‌كا تایبه‌ت دا ل مۆنۆمێنتا شنگالێ ب ئاماده‌بوونا خه‌لكێ شنگالێ و كه‌سوكارێن قوربانییان پێشوازی ل 25 رووفاتان هاتنه كرن كو ژ نوژداریا داد ل مووسلێ بۆ شنگالێ هاتبوونه ڤه‌گوهاستن و بڕیاره ل دووڤ ڕێوڕه‌سمێن ئۆلى و جڤاكى ب ئاخێ بهێنه سپارتن.
دهێته زانین كو ل ڕێكه‌فتی 3ى ئابا ساڵا 2014ێ، ڕێكخراوا تیرۆرستییا داعش هێرشی شنگالێ كر و مه‌زنترین كۆمكووژى د ده‌رهه‌قێ ئێزدییان دا ئه‌نجام دابوو، كو ب هزاران وه‌لا‌تى بوونه قوربانى و خه‌لكێ ده‌ڤه‌رێ ژى ئاواره بوون.
تُتاح هذه الصورة أيضا في: کوردی