ل كۆمه‌لگه‌ها شاریا 33 خانی هاتنە نووژەنکرن
تۆڕا لالش:
ل ژێر دروشمێ ( ئێزدی و ئێزدیاتی ئۆلا ڕەسەنا کوردانە)،ئيرۆ 3ى كانوونا دووێ 2024ێ،بنگەهێ لالش تایێ شاریا ب هەماهەنگی دگەل دەزگەهێ ناڤدەولەتی یێ پێشمەرگە بۆ کارێ مرۆڤایەتیێ ڕابوون ب ئه‌نجامدانا پرۆژه‌يێ نووژه‌نكرنا 33 خانيان ل كۆمه‌لگه‌هێ.
ب ئامادەبوونا”رزگار” بەرپرسێ دەزگەهێ ناڤدەولەتی یێ پێشمەرگەى و “كوچه‌ر” نوونەرێ فەرمانگەها رێکخراوێن ناحکومی ل کوردستانێ و “مه‌حما خه‌ليل” ئه‌ندامێ په‌رله‌مانێ عيراقێ و چەندین بەرپرسێن دام و دەزگاهێن حکومی و حزبی و کەسایەتیێن کۆمەلگەها شاریا،چالاکیا پرۆژێ نووژەنکرنا خانیا هاتە ب ڕێڤەبرن.
ل دەستپێکێ رزگار بەرپرسێ دەزگەهێ ناڤدەولەتی یێ پێشمەرگەى دپه‌يڤه‌كێ دا تەکەز کر کو دێ بەردەوام هاریکاریا خەلکێ خۆ کەن و دەزگه‌هێ ناڤدەولەتی يێ پێشمەرگە یا د شیان دا بت دێ بۆ خەلکێ خۆ ئەنجام دەت.
پاشان چه‌ند په‌يڤ ژئاليێ ئاماده‌بوويان ڤه هاتنه پێشكێشكرن و تێدا سوپاسيێن خۆ پێشکێشی بنگەهێ لالش تایێ شاریا و دەزگەهێ پێشمەرگە یێ ناڤدەولەتی کرن ژبۆ ئه‌نجامدانا ڤى پرۆژه‌يێ گرنگ ل ده‌ڤه‌رێ.
دبرگه‌يه‌كا دى يا چالاكيێ دا فیچەرەك ل دۆر کار و چالاکیێن وان هاتنە پيشاندان.
بۆ زانین د بەردەوامیا ڤی پرۆژەی دا نێزیکی 100 خانیان دێ ل كۆمه‌لگه‌ها شاريا ئێنە نووژەنکرن .
تُتاح هذه الصورة أيضا في: کوردی