بنگەهێ لالش باعەدرێ بەریکانەکا زانستی و رەوشنبیری بۆ پتری 30 کەسان گێڕا
تۆرا لالش
ئیرۆ رۆژا ئێک شەمبوویێ رێکەفتی (22 / 9 / 2024) بنگەهێ لالش تایێ باعەدرێ بەریکانەکا رەوشنبیری و زانستی بۆ ژمارەکا کوڕ و کچان گێڕا.
ب ئامادەبوونا بەرپرسێ بەشێ جەماوەری یێ لیژنا ناوچا باعەدرێ یا PDK و ژمارەکا مێهڤانێن بەڕێزێن ئامادەبووی و بەرپرس و ئەندامێن دەستەکا رێڤەبەر یا بنگەهی بەریکانا نافهاتی ل باخچێ هۆلا باعەدرێ یا بیرەوەریا ب رێڤەچوو.
ل دەستپێکێ بەرپرسێ بنگەهێ لالش تایێ باعەدرێ مامۆستا (خلات باعەدری) بخێرهاتنا تەڤایا پشکداربوویان و چەند رۆنکرن ل دۆر ڤێ چالاکیێ بۆ ئامادەبوویان بەحسکرن.
ب پشکداریا پتری 30 کەسان ژ هەردوو ڕەگەزان ڕێ و رەسمێن بەریکانێ ب شێوازێ گرۆپان هاتە گێڕان، پشتی کو رێنما و چەوانیا بەریکانێ هاتی شرۆڤەکرن بۆ بەژداربوویان.
ل داویێ سێ گرۆپان ژ سەرجەمێ یازدە گرۆپان کو هەر گرۆپ ژ سێ کەسان پێک دهات کارین سەرکەفتنێ بدەستڤە بینن دبەرێکانێ دا و هاتنە خەلاتکرن ب دیاریێن بنگەهێ لالش تایێ باعەدرێ و ژلایێ ئامادەبوویان ڤە هاتنە پارڤەکرن ل هێڤاریەکا پایزی و هێمن و دلخۆشکەر دا.
تُتاح هذه الصورة أيضا في: کوردی