د سمینارەکێ دا گەڕۆکێ بەرنیاس (بەدەل رەڤۆ) سەربۆرا قوتابیان و رۆلێ وان دبیاڤێ زانست و زانینێ دا گەهاندە باعەدرێ یاکو ژلایێ بنگەهێ لالش باعەدرێ ڤە هاتی سازکرن
تۆرا لالش
ل رۆژا دوو شەمبوویێ رێکەفتی (4 / 11 / 2024) بنگەهێ لالش تایێ باعەدرێ ب هەڤکاری دگەل ئامادەیا باعەدرێ یا تێکەل سمینارەک بۆ نڤیسەر و گەڕۆکێ بەرنیاس (بەدەل رەڤۆ) ل دۆر رۆلێ قوتابیان د ئاڤاکرنا وەلاتان دا) ل هۆلا ئامادەیا باعەدرێ یا تێکەل ل دارخست.
ب ئامادەبوونا نوێنەرێ لیژنا ناوچا باعەدرێ یا PDKو شاندێ دگەل دا و سەرپەرشتیارا ڕەخنەگرا قۆتابخانێ و ئەندامێن دەستەکا رێڤەبەر و مامۆستایێن ئامادەیێ و ژمارەکا زۆرا قوتابیان ڕێ و رەسمێن سمینارێ ب رێڤەچوون.
پشتی چەندەک ڕاوەستیان وەک رێزگرتن بۆ شەهیدێن بزاڤا ڕزگاری خوازا کوردی سەرکێشێ وان (بارزانیێ نەمر) بەرپرسێ بنگەهێ لالش باعەدرێ مامۆستا (خلات باعەدری) بخێرهاتنا تەڤایا ئامادەبوویان کر و کورتیەک د دەرحەقێ سمیناربێژی دا بەحس کر.
پاشی سمیناربێژی بەحسێ رۆلێ زانست و زانینێ دپێشێخستنا مللەتان کر و تەکەز ل سەر رۆلێ قوتابیان د ئاڤاکرنا وەلاتان دا کر وەکو ستون و شەنگستێن پێشەرۆژا مللەتان ، هەروەها فۆکس و رۆناهی ئێخستە سەر ئەزموونا چەندین کەسایەتیێن ناڤدارێن جیهانی کو برێکا وان ڕێڕەوا پێشڤەچوونێ زانست و زانینێ ئیرۆ رۆژ هاتییە گهۆرین و جیهان بەرەف کنارێن پێشکەفتنێ برینە.
ئەڤە و زێدەباری چەندین پرس خالێن دیترێن گرێدایی بابەتی وەکو هاندەر و پالدەرێن گرنگ ژلایێ نڤیسەر و گەڕۆکی نافهاتی ڤە هاتنە بەحسکرن.
ل دوماهیێ دان و ستاندنەکا گەرم و گۆڕ لدۆر بابەتی ژلایێ ئامادەبوویان و سمینار بێژی ڤە دروست ببوو کو سمینار پتر زەنگین و ب ڕەوشتر کەفت.
دئێتە زانین سالانە بنگەهێ لالش تایێ باعەدرێ ب هەڤکاری دگەل ئامادەیا باعەدرێ رابت ب ئەنجامدانا سمینارەکێ بۆ نڤیسەرێ نافهاتی ل قۆتابخانێ ب مەرەما ڤەگۆساتنا سەربۆرا مللەتێن بیانی بۆ قوتابیێن ئامادەیا باعەدرێ ب مەرەما مفا وەرگرتن و بلندکرنا ئاستێ زانست و زانینێ ل ڤێ ئامادەیێ و بجیهئینانا خەونێن شاگردێن ڤێ قۆتابخانێ.
تُتاح هذه الصورة أيضا في: کوردی
