تۆرا لالش
د رۆژەكا وەكو ئیرۆ دا ل رێكهفتی 14ی ئادارا 1903ێ بارزانیێ نەمر، بابێ رۆحی یێ نەتەوا كورد و دانەرێ بزاڤا رزگاریخوازا كوردستانێ ژ دایكبوو.
بارزانيێ نهمر نیشانا هەبوونا نەتەوەیەکا زولملێکری،بەرهەمێ خەبات و قوربانیدانا بارزانیێ نهمر بۆ بدەستڤەئینانا ماف و ئارمانج و داخوازیێن نەتەوەیی دایی حنێرەکا مەزنە و دیرۆکەکا پڕ سەروەرییە و بێگۆمان بەرهەمێ ئازادییا ئيرۆ یا مرۆڤێ کوردستانێ بەرهەمێ ڕەنج و هەیبەت و خەبات و خۆ گوڕیکرنا ڕێبازا بارزانییێ نەمره.
مستەفا بارزانیێ نەمر د دیرۆكێ دا پێگەهـ و جهەكێ ئۆلی و نیشتیمانی یێ مەزن هەبوویه لهوران رۆژا 14ێ ئادارێ د دیرۆكا كوردستانێ و جیهانێ دا ب گشتی و ل كوردستانێ ب تایبەتی جهەكێ تایبەت هەیە، بارزانی د درێژیا ژیانا خۆدا بهردهوامى ب كاروانێ بزاڤا ڕزگاریخوازا كوردى دا، ههروهسا ڕابهراتییا مهزنترین شۆرهشا ئهیلولێ كریه و بوویه سومبولا خهبات و ڕاپهرینان ل پێناڤێ ئازادیا گهلێ كوردستانێ و ناسنامە و هێمایێ شەرەفمەندییا هەموو کورد و کوردستانییان، لەوا هەر دێ مینی ساخ و نەمر جەنەرالێ چیا و کوپیتکێ سەرفەرازیێ بارزانیێ نەمر.
ههروهسان بارزانیێ نەمر د 11ێ ئەیلولا 1961ێ دا كاری بۆ ئێكهمین جار ب پشكدارییا ههموو پێكهاته و دهڤهرێن كوردستانێ مەزنترین شۆرهش ل باشورێ كوردستانێ بهرپابكهت و دهرئهنجام ژی ڕژێما بەعس نەچار بوو دانپێدانێ ب مافێن ڕەوا یێن گەلێ كوردستانێ بكهت، و ب ڤێ یەكێ بزاڤا رزگاریخوازا كوردستانێ چوو د قۆناغەكا نووی دا، د دیرۆكا كوردستان و هەرێمێ و جیهانێ دا، ناڤێ بارزانی ب زیندى و بیرهاتن و رێباز و خەبات و ژیانا وی ههر نەمری دێ دمینت.
دهستهيا بلندا بنگههێ لالش يێ رهوشهنبيرى و كۆمهڵايهتى/دهۆك
14ى ئادارا 2025
تُتاح هذه الصورة أيضا في: کوردی