تۆرا لالش
پشتی سەرهلدانا پیرۆزا بهارا سالا ١٩٩١ێ، دەرگەهێ ئازادی و دیموکراسیێ ل هەرێما کوردستانێ ب روویێ هەمی تەخ و چینان دا ڤەبوو. د ناڤ ڤێ سەقاوئازاد یێدا، دامەزراندنا “بنگەهێ لالش یێ رەوشەنبیری و کۆمەلایەتی” وەک ئێک ژ دەسکەفتێن هەرە مەزن یێن ڤێ قۆناغێ دهێتە هەژمارتن، کو بوو خودانێ رۆلەکێ کاریگەر د پاراستنا ناسنامەیا نەتەوەیی و ئایینی دائەوبوو ل رۆژا ١٢ی گولانا ١٩٩٣ێ، ب هەول و خەمخوریا کۆمەکا ژ رەوشەنبیر، نڤیسەر و کەسایەتیێن ئێزدی، وب پشتەڤانیا حکومەتا هەرێما کوردستانێ ئەڤ بنگەهە ل دهۆکا داسنیا هاتە ئاڤا کرن ول ژێر دروشمەکێ هەرە پیرۆز ( لالش کانییەکا زەلالە دهۆرتە درووبارێ رەوشەنبیریا کوردیدا ) کاروانێ خۆ یێ خەباتی دا هاژۆتن وبنگەهێ لالش بوو ئێکەم سازیا تایبە تمەند د بوارێ چاند، کەلتوور و ئێزدیناسیێ دا، کو شیا ڤالاتیەکا مەزن د ڤی بواری دا پڕ بکەت و ببیتە چەترەک بۆ کۆمکرنا هەمی دەنگ و رەنگێن جوداول قۆناغا دەسپێکێ تا یوبێلا زیڤی و پاقژکرنا رووپەلێن ب رەشی باس دهات کرن لسەر ئێزدیان ودیرۆک و کەتوار وبنگەهێ لالش د سالێن (یوبێلا زیڤی)،دا کاریە و خزمەتەکا هێژایی گۆتنێ ئەنجام دت . ئێک ژ کارێن هەرە پیرۆز یێن ڤی بنگەهی، رۆناهی ئێخستنە سەر وان لاپەرێن تاری یێن دیرۆکێ کو ژ لایێ هندەک لێکۆلەر و رۆژهەلاتناسێن نەژادپەرست ڤە ب شێوەیەکێ نەراست و ب “پێنڤیسەکێ رەش” هاتبوونە نڤیسین( بنگەهێ لالش ) ب وەشانێت خۆ شیا سەدەهان نڤیسەران ل خوە کۆم بکەت و شیا ب رێیا زانست و ڤەکۆلینێن هویر، وان رووپەلان سپی بکەت و راستییا ئێزدیاتیێ وەک خۆ ب جیهانێ بدەتە ناساندن و ل ئەڤێ دەرێ سلاڤا ل گیانێ ل تەڤایا خزمەتدۆستێن یوبێلا زیڤی یێت بنگەهێ لالش و گیان شادێت بەهشتێ خودێ ژێ رازی وشاکارێن هاژۆتنا کاروانێ خزمەتا بنگەهی ( شێخ شامۆ شێخۆ و پیر خدر سلێمان و…)
د قۆناغا نهۆ: پشتی دەربازبوون ژ یۆبێلا زیڤی بەرەڤ یوبێلا زیرین و دەربازبوونا پتر ژ ٣٣ سالان ل سەر دامەزراندنێ، بنگەهێ لالش نە بتنێ دەزگەهەکێ رەوشەنبیری وئێزدیناسی دهێت ناسین ، بەلکو قوتابخانەیەکا نەتەوەیی و ئێزدیناسیێ یە و د ڤێ قۆناغا نهۆدا پێنگاڤێن باش هاتنە هاڤێتن ئێدی بنگەهی لالش خۆ دگەل نوویاتیان د نووبونێدا کاروخەبات دهێن هاڤێتن بۆ بیاڤێ بینین وبهیستنێ ئانکو بەرەڤ خزمەتێن هەرێ گرنگ دچت ئەوژی ژبۆ قوناخێت بهێت کەنالەکێ ئەسمانی تایبەت ب ئێزدیناسیێ ڤە دچت ، وپشتەڤانیا بەردەواما شەخسێ جەنابێ سەرۆک وەزیران (مسرور بارزانی ) سەرۆکێ حکومەتا هەرێما کوردستانێ و سەرکرداتیا سیاسیا لێڤەگەرێ کوردستانێ (جەنابێ سەرۆک بارزانی ) بۆ ئەڤی بنگەهی ئەرکێ ل سەر ملێن کاربەدەست و خەمخورێن ڤی بنگەهی گرانتر لێ کریە و دیسان ژبنگەهێ لالش دهێت خواستن دبیاڤێ جڤاکا مەدەنی ژیدا پێنگاڤێت زێدەتر بهاڤێژت وپێدڤی و پۆلێنێن سەردەمێ نۆکە دخوازن کو بنگەهێ لالش د قۆناغا بهێت دا زێدەتر گرنگیێ ب هەمی ئالاڤێن راگەهاندنێ ودیسان ژی یا فەرە:
بکارئینانا تەکنۆلۆژیایێ و سۆشیال میدیایێ بۆ گەهاندنا پەیاما ئاشتی و پێکڤەژیانێ ودیسان زێدەتر بکارئینانا زمانێن بیانی د راگەهاندنا بنگەهی دا وبنگەهێ لالش، کاروانێ خۆ یێ رەوشەنبیری ب هێزتر ل جاران دێ بەردەوام کەت. وەک چەوا شیا د سی وسێ سالێن دەربازبووی دا ناسنامەیا ئێزدیناسیێ پاراست، ب وی ئاوایی ژی دێ د کەتوارێ نوو یێ راگەهاندنێ دا رۆلەکێ پێشەنگ گێرت دا کو مینا هەر گاڤ ستونەک قاییم بیت بۆ پاراستنا کەلتوور و دیرۆکا مەیا رەسەن وهزار جاری پیرۆزبت سالیادا دامەزراندنا بنگەهێ لالش
تُتاح هذه الصورة أيضا في: کوردی